Pia Logo
კონფლიქტები

საქართველოს ხელისუფლება კორონავირუსთან დაკავშირებით საოკუპაციო ხაზს მიღმა დარჩენილი მოქალაქეების დასახმარებლად მზადყოფნას გამოთქვამს

აფხაზეთის ავტონომიური მთავრობის ხელმძღვანელი
21:38 23.03

აფხაზეთის მთავრობის თავმჯდომარე რუსლან აბაშიძე ოკუპირებულ აფხაზეთში გამართულ ე.წ. არჩევნებთან დაკავშირებით განცხადებას ავრცელებს.

მისი თქმით, ოკუპირებულ აფხაზეთში ჩატარებული ე.წ. არჩევნები წარმოადგენს აფხაზეთის რეგიონში განხორციელებული ეთნიკური წმენდის, მიმდინარე უკანონო ოკუპაციისა და ფაქტობრივი ანექსიის პროცესის ლეგიტიმაციის მორიგ უშედეგო მცდელობას.

ამასთან აბაშიძემ საქართველოს ოკუპირებულ ნაწილში მცხოვრებ თანამემამულეებს ურთიერთობების განვითრებისკენ მოუწოდა და კორონავირუის წინააღმდეგ საბრძოლველად საერთო გზების გამონახვა ურჩია.

"აფხაზეთის ავტონომიური რესპუბლიკის ტერიტორიაზე ჩატარებულ ე. წ. არჩევნებს სამართლიანად გმობს მსოფლიოს პროგრესული საზოგადოება, რომელიც არ აღიარებს აფხაზეთის დამოუკიდებლობას და მას იმ საზღვრების შემადგენელ ნაწილად განიხილავს, რომელიც საერთაშორისოდ არის აღიარებული.

აქედან გამომდინარე, იგი არასდროს შეეგუება რუსეთის მიერ ე.წ. ახალი რეალობის სამართლებრივად დამკვიდრების მცდელობებს. ბუნებრივია, აფხაზეთის ლეგიტიმური ხელისუფლებაც, ისევე, როგორც სრულიად საქართველო, ოკუპაციისა და ფაქტობრივი ანექსიის პირობებში ჩატარებულ ე.წ. არჩევნებს უკანონოდ მიიჩნევს, ვინაიდან იგი ვერ წარმოშობს რაიმე სამართლებრივ შედეგს. ოკუპირებულ აფხაზეთში ჩატარებული ე.წ. არჩევნები წარმოადგენს აფხაზეთის რეგიონში განხორციელებული ეთნიკური წმენდის, მიმდინარე უკანონო ოკუპაციისა და ფაქტობრივი ანექსიის პროცესის ლეგიტიმაციის მორიგ უშედეგო მცდელობას, მაშინ, როდესაც აფხაზეთის რეგიონის მოსახლეობის დიდი ნაწილის უფლებები უხეშად ირღვევა რუსეთის ფედერაციის და მათ მიერ მხარდაჭერილი მარიონეტული რეჟიმის მიერ განხორციელებული ქმედებების შედეგად.

ერთმნიშვნელოვნად ცხადია - აფხაზეთში დღეს მიმდინარე პროცესები სხვა არაფერია, თუ არა მორიგი ძალადობა საოკუპაციო რეჟიმის მხრიდან აფხაზეთის საზოგადოების მიმართ. აქვე მინდა განვაცხადო, რომ აფხაზეთის მთავრობა, საქართველოს ცენტრალურ ხელისუფლებასთან ერთად, მზად არის, საოკუპაციო ხაზს მიღმა დარჩენილ ჩვენს თანამოქალაქეებს სრული დახმარება აღმოუჩინოს ახალი კორონავირუსის წინააღმდეგ ბრძოლაში, როგორც უშუალოდ, ასევე, საერთაშორისო ორგანიზაციებისა და ჩვენი მეგობრების მხარდაჭერით.

მსოფლიოში შექმნილი დღევანდელი, ახალი რეალობიდან გამომდინარე, მინდა მოვუწოდო ენგურის იმ მხარეს მცხოვრებ ჩვენს თანამემამულეებს - განვავითაროთ ურთიერთობები, ვიფიქროთ მომავალზე და ერთობლივად ვეძებოთ საერთო მიდგომები და გზები არსებული ვითარებიდან მშვიდობიანი გამოსავლის საპოვნელად!" - ნათქამია გავრცელებულ განცხადებაში.

ბოჭორიშვილის კლინიკა

მაკა სოლოღაშვილი: კორონავირუსის 2 ახალი...

საქართველოში კორონავირუსის 14 ახალი დადასტურებული შემთხვევიდან, 2 პაციენტი ბოჭორ...
10:42
 „Covid 19-ის წინააღმდეგ ონლაინ ჰაკათონის გამარჯვებული გუნდი ცნობილია. 20 000 ლარი პროექტის განხორც...
13:48
„დღეს ძნელია ისეთი ადამიანის პოვნა, რომელიც არ აქებს ლუგარის ლაბორატორიას და საქართველოში COVID-19-თ...
13:15
„ვირუსის შეკავების მხრივ, საქართველო იმდენად წარმატებული აღმოჩნდა, რომ მთავრობები მსოფლიოს სხვადასხვ...
13:03
თბილისის მერი კახა კალაძე ქართველ სპორტსმენებს სპორტის საერთაშორისო დღეს ულოცავს. "ვულოცავ ჩვენს სა...
12:14
პარლამენტის გენდერული საბჭოს წევრი პარლამენტის გენდერული საბჭო ეკონომიკაზე პანდე...
"პარლამენტის გენდერული საბჭო, პრემიერ-მინისტრის ოფისთან და არასამთავრობო ორგანიზაციებთან თანამშრომლო...
23:15 05.04
თურქეთში ბოლო 24 საათში კორონავირუსით ინ...
თურქეთში კორონავირუსის პანდემია დაჩქარებული წესით ვრცელდება. ბოლო 24 საათში ინფი...
ახალციხეში კათოლიკე და სომხურმა თემმა ბზ...
კათოლიკე და სომხურმა სამოციქულო ეკლესიამ დღეს, ხუთ აპრილს იერუსალიმში მაცხოვრის...
ზუგდიდში სადეზინფექციო საშუალებებით ქუჩე...
კორონავირუსის საპრევენციო ღონისძიებების ფარგლებში, ზუგდიდში ქუჩების სადეზინფექცი...