პოლიტიკა

ნაცვლიშვილი: ერთხელ და სამუდამოდ დავაფასოთ მომსახურების სფეროში დასაქმებული პირების თავდაუზოგავი შრომა

ნაცვლიშვილი პარლამენტში
13:47 25.03
დაკოპირებულია

პარლამენტის წევრი ბექა ნაცვლიშვილი განცხადებას ავრცელებს.

როგორც ნაცვლიშვილის მიერ გავრცელებულ განცხადებაშია აღნიშნული, ერთ-ერთი სასიცოცხლოდ მნიშვნელოვანი გაკვეთილი, რაც პანდემიამ საზოგადოებას ასწავლა მომსახურების სექტორში დასაქმებული ადამიანების შრომის დაფასებაა.

"დროა ქვეყანამ გადახედოს პრიორიტეტებს და ერთხელ და სამუდამოდ მომსახურების სფეროში დასაქმებული პირების თავდაუზოგავი შრომა დავაფასოთ, რასაც ისინი ნამდვილად იმსახურებენ ერთ-ერთი სასიცოცხლოდ მნიშვნელოვანი გაკვეთილი, რაც პანდემიამ გვასწავლა, მომსახურების სექტორში დასაქმებული ადამიანების შრომის დაფასებაა. ესენი არიან ჯანდაცვის, ტრანსპორტის, საცალო ვაჭრობის სფეროში დასაქმებული ადამიანები. ისინი, ვინც კრიზისის დროს ემსახურებიან ადამიანებს საკუთარი ჯანმრთელობის რისკის ფასად. სწორედ, მათი წყალობით ვართ საკვებით, სამედიცინო საშუალებებით და სხვა პირველადი საჭიროების ნივთებით უზრუნველყოფილი. მიუხედავად ამისა, სწორედ ამ ადამიანებს რომელთა მხრებზეც გადადის ეს ურთულესი პერიოდი აქვთ ყველაზე დაბალი ხელფასი, ყველაზე გრძელი სამუშაო საათები და ყველაზე არამდგრადი შრომის პირობები. მათი პრობლემების დიაპაზონი ძალიან ვრცელია - შეუსაბამოდ ცოტა ექთანსა და სანიტარს უწევს შეუსაბამოდ დიდი რაოდენობის პაციენტზე ზრუნვა, დანაკლისის ანაზღაურებას ხშირად მარკეტებში დასაქმებულ კონსულტანტებს და მოლარეებს აკისრებენ, ეს მაშინ როცა თითქმის არ ხდება ზეგანაკვეთური და ღამის შრომის ანაზღაურებაც კი. მიუხედავად ამ პროფესიებს შორის დიდი სხვაობისა, ჯანდაცვისა და საცალო ვაჭრობის სფეროში დასაქმებული ადამიანები თითქმის იდენტურ ხელფასს იღებენ. ეს არის 300-500 ლარი, მაშინ როცა მათი სამუშაო დრო კვირაში 50-80 საათს შეადგენს", - ნათქვამია განცხადებაში.

დეპუტატის განცხადებაში ასევე აღნიშნულია, რომ მომსახურების სფეროში დასაქმებული ადამიანები იმ რეგულარულ პრობლემებს რასაც ისინი ყოველდღე აწყდებიან, პენდემიის პერიოდში კიდევ უფრო გამწვავდა.

"ეს რეგულარული პრობლემები, რასაც ისინი ყოველ დღე აწყდებიან, კიდევ უფრო გამწვავდა პანდემიის პერიოდში. მე დიდი ხანია ვთანამშრომლობ მომსახურების სფეროში დასაქმებულ ადამიანებთან. ჩვენ ერთად ვიბრძოდით და ვიბრძვით მინიმალური ხელფასისა და ღირსეული შრომის პირობებისთვის, რათა მოხდეს მათი შრომის საბაზისო პირობებითა და შესაბამისი ანაზღაურებით უზრუნველყოფა, როგორც მანამდე, ისე პანდემიის დროს და მის შემდეგაც", - აღნიშნულია განცხადებაში.

ბექა ნაცვლიშილი მომსახურების სფეროში დასაქმებულ ადამიანებს დაუღალავი შრომისთვის მადლობას უხდის და აღნიშინავს, რომ მათი შრომის ღირსეული პირობებისთვის ბრძოლას გააგრძელებს.

"მე არა მხოლოდ მადლობა მინდა გადავუხადო მომსახურების სფეროში დასაქმებულებს, რომლებიც დაუღალავად ემსახურებიან ქვეყანას, მაშინ როცა მოსახლეობის დიდი ნაწილი სახლში რჩება, არამედ ვპირდები მათ, რომ კვლავ გავაგრძელებ ბრძოლას მათი შრომის ღირსეული პრობებისთვის. ჩვენ ამ ადამიანებს უნდა ვაჩვენოთ, რომ ძალიან ვაფასებთ მათ შრომას და ეს უნდა გამოისახოს მათივე ანაზღაურებაში და არა ცარიელ სიტყვებში. მე მოვუწოდებ ხელისუფლებას ყველაფერი გააკეთოს პანდემიის დროს და მის შემდეგაც რომ დავანახოთ მომსახურების სფეროში დასაქმებულ ადამიანებს რამდენად მნიშვნელოვანი მათი შრომა ჩვენთვის, საზოგადოებისთვის და მოახდინოს მათი შესაბამისი კომპენსიაცია. პანდემიის პერიოდში მთავრობამ უნდა აწარმოოს სისტემატური მონიტორინგი, რათა დარწმუნებული ვიყოთ, რომ შრომის უსაფრთხოების ნორმები სრულადაა დაცული დამსაქმებლების მიერ. პანდემიის დასრულების შემდეგ კი, მე კიდევ ერთხელ მოვუწოდებ პარლამენტს, რომ მხარი დაუჭიროს მინიმალური ხელფასის კანონით განსაზღვრას და ღამისა და ზეგანაკვეთური შრომის საათობრივი ანაზღაურების 1,5 ოდენობით გაზრდას, რაც დაეხმარებათ დასაქმებულებს მეტად დაცულად იგრძნონ თავი", - აღნიშნულია ნაცვლიშვილის განცხადებაში.

სალომე ზურაბიშვილი ჯვრით

სალომე ზურაბიშვილი: რელიგიურ ტურიზმს უნდ...

„რელიგიურ ტურიზმს უნდა მივხედოთ“, - ამის შესახებ საქართველოს პრეზიდენტმა სალომე...
2020 წლის 30 ივლისს, Startup Connect ინოვაციების და ტექნოლოგიების სააგენტოსთან და თიბისი ბანკის პროგ...
13:26
ატმისა და ვაშლატამას მოსავლის აღება აქტიურ ფაზაშია. 14 ივლისის მდგომარეობით, საქართველოდან ექსპორტირ...
13:25
ივანე ჯავახიშვილის სახელობის თბილისის სახელმწიფო უნივერსიტეტი მართავს ვებინარს თემაზე: „ინკლუზია და...
13:21
პროკურატურის მიერ წარდგენილი მტკიცებულებების საფუძველზე განსაკუთრებით დიდი ოდენობით ნარკოტიკული საშუ...
13:09
კულტურის ცენტრი მარნეულში მარნეულის კულტურის ცენტრი ონლაინ პროექტ „პორტ...
მარნეულის მუნიციპალიტეტის კულტურის ცენტრი, კორონავირუსის პანდემიის დროს, ჯანდაცვის ეროვნული ცენტრის...
თბილისის მერი კულტურის სფეროს დაფინანსებ...
თბილისის მერის კახა კალაძის განცხადებით, კულტურის სფეროს დაფინანსება გაიზრდება....
პირველ ქართულ ნეობანკ სფეისთან კოლაბორაც...
იდეის გაჩენიდან 8 თვეში, 2018 წელს პირველი სრულად ციფრული ბანკი - სფეისი გაეშვა....
სალომე ზურაბიშვილი: ევროკავშირის სადამკვ...
ზუგდიდში ვლაქერნობის დღესასწაულზე მყოფმა საქართველოს პრეზიდენტმა საუკუპაციო ძალე...