აზერბაიჯანული მხარე: ბარდაზე მორიგი სარაკეტო თავდასხმისას 19 ადამიანი დაიღუპა
1603886099
აზერბაიჯანის გენერალური პროკურატურის განცხადებით, სომხეთმა ბარდაზე მორიგი სარაკეტო იერიში მიიტანა, რომლის დროსაც 19 ადამიანი დაიღუპა, 60 კი დაშავდა.
„28 ოქტომბერს, დაახლოებით 13:00 საათზე, ბარდას მჭიდროდ დასახლებულ უბანში, სადაც სავაჭრო ობიექტებია განთავსებული, მტრის შეიარაღებულმა ძალებმა კასეტური ბომბები ააფეთქეს, რომლის დროსაც 19 ადამიანი დაიღუპა და დაახლოებით 60 ადამიანი დაშავდა. დიდია ქალაქის ინფრასტრუქტურის ზარალიც“, - აღნიშნულია გენერალური პროკურატურის პრესსამსახურის მიერ გავრცელებულ განცხადებაში.
როგორც განცხადებაშია აღნიშნული, პროკურატურა მსხვერპლთა ვინაობის დაზუსტებაზე მუშაობს.
ინფორმაციისთვის, ქალაქი ბარდა სომხების მიერ პირველად 27 ოქტომბერს დაიბომბა. აფეთქებების შედეგად 4 ადამიანი დაიღუპა, რომელთა შორის ერთ-ერთი 7 წლის ბავშვია.
მთიანი ყარაბაღის ტერიტორიაზე აზერბაიჯან-სომხეთის ომი მიმდინარე წლის 27 სექტემებერს განახლდა. ორივე მხარეს არის დიდი მსხვერპლი.
მხაარეებს შორის „ცეცხლის შეწყვეტის შესახებ“ შეთანხმება 3-ჯერ დაიდო, თუმცა სამივე მათგანი დაირღვა.
აგრეთვე წაიკითხეთ:
👉 აზერბაიჯანის ბარდას რაიონის დაბომბვის შედეგად ოთხი ადამიანი, მათ შორის 7 წლის გოგო დაიღუპა
