მთავარი

ძიება

ვიდეო

ქვიზები

კონტაქტი

აზერბაიჯანულმა ჯარმა სომხური შეიარაღებული ძალების ბაზა აიღო (ვიდეო)

აზერბაიჯანელებმა სომხების სამხედრო ბაზა აიღეს

აზერბაიჯანის თავდაცვის სამინისტროს ინფორმაციით, ქვეყნის შეიარაღებულმა ძალებმა სომხეთის შეიარაღებული ძალების ერთ-ერთი სამხედრო ბაზა აიღეს. ვიდეოში, რომელსაც აზერბაიჯანის თავდაცვის სამინისტრო ავრცელებს, ჩანს მანქანები, ტყვია-წამალი, რადიოკავშირის საშუალებები და სამხედრო ფორმა. ამის შესახებ გამოცემა „report.az“ იუწყება.

აზერბაიჯანის თავდაცვის სამინისტროს ინფორმაციით, ტექნიკის უდიდესი ნაწილი, რომელიც სამხედრო ბაზაზე უკან დახევისას სომხურმა შენაერთებმა დატოვეს, გამართულ მდგომარეობაშია.

ასევე ვრცელდება ინფორმაცია, რომ აზერბაიჯანული ჯარის შეტევის შედეგად მათ მთა მუროვგადი დაიკავეს, რომელიც სტრატეგიულ ადგილას მდებარეობს. ამის შედეგად ვარდენის-ადგერეს გზა, რომელიც სომხეთს მთიან ყარაბაღთან აკავშირებს, ახლა აზერბაიჯანული შენაერთების სამიზნეშია ამოღებული და მისი დახმარებით სომხეთიდან მთიან ყარაბაღში იარაღის გადასროლა უფრო რთული გახდება.

შეგახსენებთ, რომ 27 სექტემბრიდან მთიან ყარაბაღში და მოსაზღვრე რაიონებში აზერბაიჯანულ და სომხურ შეიარაღებულ ძალებს შორის ბრძოლა მიმდინარეობს. ორივე მხრიდან არიან დაღუპულები და დაჭრილები.