ფაშინიანი: დღეს, ისევე როგორც წარსულში, აზერბაიჯანი არ არის მზად კომპრომისისთვის
1603826353
„საერთაშორისო პოლიტიკური პირები ახლა ღიად აცხადებენ, რომ აზერბაიჯანი და თურქეთი აგრესიული მხარეა“, - ამის შესახებ სომხეთის პრემიერ-მინისტრმა ნიკოლ ფაშინიანმა თავის მიმართვაში განაცხადა.
ფაშინიანის თქმით, აზერბაიჯანის მხრიდან ტერორისტებისა და დაქირავებულთა ბრძოლა უკვე დადასტურებული ფაქტია მსოფლიოში.
„ისევე როგორც წარსულში აზერბაიჯანი არ არის მზად კომპრომისისთვის. შევთანხმდეთ, რომ არაფრის შეგვეშინდება. ჩვენ არ დავუშვებთ რაიმე შიდა თუ გარე ძალას, რომ ეჭვი შეიტანოს ჩვენს თავისუფალ მომავალში.
დიახ, მსოფლიოში ბევრი მტერი გვყავს, მაგრამ გვყავს მეგობრებიც, რომლებიც რთულ პერიოდში ჩვენთან დგანან. მადლიერია სომეხი ხალხი ამას არასდროს დაივიწყებს.
გაუმარჯოს თავისუფლებას, გაუმარჯოს სომხეთს, გაუმარჯოს ჩვენს შვილებს, რომლებიც თავისუფალ სომხეთში იცხოვრებენ“, - აცხადებს ფაშინიანი.
ინფორმაციისთვის, მთიან ყარაბაღში და მოსაზღვრე რაიონებში აზერბაიჯანულ და სომხურ შეიარაღებულ ძალებს შორის საომარი მოქმედებები 27 სექტემბერს განახლდა. ორივე მხრიდან ასობით ადამიანი დაიღუპა და დაიჭრა.
