„1 286 დადასტურებული შემთხვევა, 369 გამოჯანმრთელებული“ - ეპიდვითარება ოკუპირებულ აფხაზეთში
1601142345
დღეის, 26 სექტემბრის მონაცემებით ოკუპირებულ აფხაზეთში ჯამში კორონავირუსით დაინფიცირების 1 286 შემთხვევა ფიქსირდება. ინფორმაციას გამოცემა sputnik-abkhazia ავრცელებს.
გამოცემის ცნობით, გამოჯანმრთელებულთა საერთო რაოდენობა შეადგენს 369 ადამიანს, ხოლო 9 პაციენტი გარდაცვლილია.
„25 სექტემბერს გუდაუთის საავადმყოფოში 90 წლის კოვიდდადასტურებული პაციენტი გარდაიცვალა. პაციენტი 20 სექტემბერს გუდაუთის საავადმყოფოში სუნთვის მწვავე უკმარისობითა და ორმხრივი პნევმონიის ნიშნებით შეიყვანეს“ , - აღნიშნულია გამოცემის მიერ გავრცელებულ ინფორმაციაში.
ამ დროისთვის გუდაუთის ცენტრალურ რაიონულ საავადმყოფოში 118 ადამიანი იმყოფება, 114-ის დიაგნოზი COVID 19-ზე დადებითია. ამავე დროს, 14 პაციენტი მძიმე მდგომარეობაშია, 25 საშუალო სიმძიმისაა. მკურნალობის შემდეგ კი სამი პაციენტი გაწერეს.
ინფორმაციისთვის, კორონავირუსი პანდემიად მიმდინარე წლის 11 მარტს გამოცხადდა.
