აჭარაში კორონავირუსით ინფიცირებული 21 ორსულია
1600759886
აჭარის რეგიონში ინფიცირებულ პირებს შორის 21 ორსულია. ამის შესახებ აჭარის საზოგადოებრივი ჯანდაცვის ცენტრის დირექტორის მოადგილემ ნონა ეფაძემ ჟურნალისტებთან განაცხადა.
ინფიცირებული ორსულები ბათუმის სამშობიარო სახლში მკურნალობენ.
ინფორმაციისთვის, 18 სექტემბერს ქუთაისის კლინიკა „ბომონდში“ ინფიცირებულ პაციენტს ორსულობის 38 კვირაზე საკეისრო კვეთა ჩაუტარდა. იგი ქუთაისში ბათუმის სამშობიარო სახლიდან გადაიყვანეს.
საკეისრო კვეთა წარმატებით დასრულდა.
საქართველოში, ბოლო 24 საათში, კორონავირუსის 218 ახალი შემთხვევა დადასტურდა, რომელთაგან 137 აჭარიდანაა.
