ადიგენის სოფლებში კორონავირუსის სამი შემთხვევა დაფიქსირდა.
ადიგენის მუნიციპალიტეტში კორონავირუსით ინფიცირებულთა რაოდენობა 11-მდე გაიხარდა. ბოლო 24 საათში სამი ახალი შემთხვევა გამოვლინდა. კოვიდ 19 სოფელ გომაროს, უდესა და ჭეჭლას მკვიდრებს დაუდასტურდათ.
სამცხე-ჯავახეთის სამხარეო ადმინისტრაციის აპარატის უფროსის თქმით, გომაროელი მამაკაცის ინფიცირების წყარო უცნობია.
„სულ სხვა ჩივილებით შეიყვანეს კლინიკაში, მაგრამ შემოწმების შედეგად კოვიდ19 დაუდგინდა. ეს უკვე ადიგენში დადასტურებული 11 შემთხვევაა“, - აცხადებს გიორგი მიქელაძე.
ამ დრომდე კოვიდ-19 ადიგენის მხოლოდ ორ სოფელში - უდეში მცხოვრებ ერთ პირს - ექთანს და ჭეჭლაში მცხოვრებ შვიდ ადამიანს ჰქონდა დადასტურებული.