ბოჭორიშვილის კლინიკაში ორი ახალი კოვიდინფიცირებული პაციენტიდან ერთი 13 წლის მოზარდია.
აღნიშნულის შესახებ კლინიკის სამეთვალყურეო საბჭოს თავმჯდომარემ მაკა სოლოღაშვილმა განაცხადა.
მისივე ინფორმაციით, კლინიკას ამ წუთებში კორონავირუსისგან განკურნეული 1 პაციენტი ტოვებს.
"კლინიკაში 20 პაციენტი მკურნალობს, დაემატა 2 ახალი პაციენტი, გამოვლენილ-დადასტურებული სულ არის 11 შემთხვევა. 11-დან 1 პაციენტი გამოჯანმრთლებულია და ეწერება ამ წუთებში. ორი ახალი პაციენტიდან ერთი 13 წლის მოზარდია",- განაცხადა სოლოღაშვილმა.
ცნობისთვის, ამ დროისთვის საქართველოში კორონავირუსის 156 შემთხვევაა გამოვლენილი.