თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, კორონავირუსის 8 ახალი დადასტურებული შემთხვევიდან, 1 ბოლნისის კლასტერია, დანარჩენი 7 კი, საკარანტინო სივრციდან.
"8 ახალი შემთხვევიდან 2 არის მძიმე. დღეს გაფართოებული კვლევები ჩატარდება და შეფასდება ეს ყველაფერი. ასაკობრივი სპექტრი განსხვავებულია. არის მაღალი ასაკიც და საშუალო ასაკიც", - აღნიშნა მარინა ეზუგბაიამ.
დღევანდელი მონაცემებით, საქართველოში კორონავირუსი 8 ადამიანს დაუდასტურდა, 10 პაციენტი კი, გამოჯანმრთელდა.