ეზუგბაია: 8 ახალი შემთხვევიდან 6 საკარანტინო სივრციდან არის, 2 კი ბოლნისიდან
1590734902
კოვიდინფიცირების 8 ახალი შემთხვევიდან 6 საკარანტინო სივრციდან არის, 2 კი ბოლნისიდან. აღნიშნულის შესახებ ინფექციური საავადმყოფოს სამედიცინო დირექტორმა მარინა ეზუგბაიამ განაცხადა.
ექიმის თქმით, ამ დროისთვის კოვიდცენტრებში 158 პაციენტი მკურნალობს.
"ამ დროისთვის კოვიდცენტრებში მხოლოდ 158 პაციენტი მკურნალობს. ამ 8 დადასტურებული შემთხვევიდან 6 საკარანტინო სივრციდან არის და 2 ბოლნისიდან. ჩვენს ცენტრში გუშინ შემოვიდა 8 დადასტურებული შემთხვევა და 1 საეჭვო შემთხვევა. დღეს გაკეთდება მასთან "პისიარ" კვლევა პირ-ხახის ნაცხზე და ვნახავთ შედეგს რაც იქნება. ჩვენთან 40 კოვიდდადასტურებული და 1 საეჭვო შემთხვევაა, როგორც აღვნიშნე. ახალ დადასტურებულ შემთხვევებში ხანდაზმულები არ არის და ერთი არის 16 წლის", - აღნიშნა ეზუგბაიამ.
