კორონავირუსის პანდემიის დროს ე.წ. საყოფაცხოვრებო კონდინციონერის გამოყენება ოფისებსა და სხვა დახურულ სივრცეებში რისკის შემცველია. აღნიშნულის შესახებ დაავადებათა კონტროლის ეროვნული ცენტრის დირექტორის მოადგილემ პაატა იმნაძემ პრესკონფერენციაზე განაცხადა.
იმნაძის თქმით, მსგავსი ტიპის კონდინციონერის გამოყენება ნებადართული არ იქნება.
"ე.წ. საყოფაცხოვრებო კონდინციონერები, რომლებიც შიგნით ჰაერს ატრიალებენ, სამწუხაროდ მათი გამოყენება ჯერჯერობით, არსებული მონაცემებით არის მაღალი რისკის შემცველი. თუ არ მუშაობს კონდინციონერი გარედან ჰაერის შემოტანაზე, რომელიც გრილდება, შესაბამისად და შემდეგ გააქვს ჰაერი დახურული სივრციდან, ასეთი არ არის ის აბსოლუტური უმრავლესობა კონდინციონერების, რომელსაც ვიყენებთ და საყოფაცხოვრებოს ვუწოდებთ. მათი გამოყენება საშიშია. სიცხე იქნება ზაფხულში და გაგვიჭირდება, მაგრამ ჯერჯერობით მათი გამოყენება არ იქნება ნებადართული", - აღნიშნა იმნაძემ.