კახეთში კოვიდინფექციის პირველი შემთხვევა გამოვლინდა
1590930712
კახეთში კორონავირუსით ინფიცირების პირველი შემთხვევა დადასტურდა. კოვიდვირუსი 54 წლის კაცს დაუდგინდა. ის სატვირთო მანქანის მძღოლია და მოსკოვში მოგზაურობის ისტორია აქვს.
დედოფლისწყაროს საზოგადოებრივი ჯანდაცვის ხელმძღვანელის ინფორმაციით, მან მოსკოვიდან სოფელ ოზაანში მცხოვრები მამაკაცი გადმოიყვანა, რომელიც საზღვრის კვეთის შემდეგ კარანტინში იმყოფებოდა და მოგვიანებით კოვიდ-19 დაუდასტურდა. თვითონ კი თვითიზოლაციაში იმყოფებოდა. "პისიარ" ტესტირების ჩატარების შემდეგ, მძღოლს დღეს დილით კოვიდ-19 დაუდასტურდა.
ის მკურნალობის კურსს თბილისის ინფექციურ საავადმყოფოში გადის. ეპიდემიოლოგებმა მისი 10 კონტაქტი უკვე დაადგინეს და თვითიზოლაციის რეკომენდაცია მისცეს.
