კორონავირუსისგან მსოფლიოში უკვე 300 000-ზე მეტი ადამიანი განიკურნა
1586289059
კორონავირუსით ინფიცირებულთა და გარდაცვლილთა რაოდენობასთან ერთად ყოველდღიურად იზრდება იმ ადამიანთა რიცხვიც, რომლებმაც ეს დაავადება დაამარცხეს. 7 აპრილის მდგომარეობით, მსოფლიო მასშტაბით, კორონავირუსისგან 301 315-მა ადამიანია განკურნებული, რაც 5 დღის წინანდელ მონაცემს 50%-ით აღემატება
ყველაზე ბევრი - 77 167 გამოჯანმრთელებული ჩინეთზე მოდის, მეორე ადგილზე 43 208 განკურნებულით ესპანეთია, გერმანიაში კორონავირუსი 36 081-მა ადმიანმა დაამარცხა, იტალიაში 24 392-მა.
მსოფლიოს სხვა ქვეყნების მსგავსად გამოჯანმრთელებულთა რაოდენობა იზრდება საქართველოშიც. 7 აპრილის მდგომარეობით 196 ინფიცირებულიდან 46 პაციენტია განკურნებული.
