თბილისის პირველ საუნივერსიტეტო კლინიკაში კორონავირუსით ინფიცირებული 15 წლის მოზარდი მართვით სუნთქვაზე იმყოფება.
„მძიმე, კრიტიკულ მდგომარეობაშია“, - აცხადებს საუნივერსიტეტო კლინიკის კლინიკური დირექტორი ლალი ტურძელაძე.
არასრულწლოვნის გარდა, ქვეყნის მასშტაბით კრიტიკულ მდგომარეობაშია კოვიდინფიცირებული 70-ზე მეტი პაციენტი.
ინფორმაციისთვის, საქართველოში ბოლო 24 საათში კორონავირუსით ინფიცირების 958 ახალი შემთხვევა დადასტურდა, 214 გამოჯანმრთელდა, ხოლო 4 პაციენტი გარდაიცვალა.
ქვეყანაში კორონავირუსით ინფიცირების პირველი შემთხვევა 26 თებერვალს დადასტურდა.