ქუთაისის ინფექციურ კლინიკაში კორონავირუსით ინფიცირების ახალი შემთხვევა გამოვლინდა. შუახნის მამაკაცი ტრაილერის მძღოლია და მას რუსეთში მოგზაურობის ისტორია აქვს. პაციენტის მდგომარეობა საშუალო სიმძიმისაა.
ამჟამად კლინიკაში კორონავირუსის დიაგნოზით 4 პაციენტი მკურნალობს.
კოვიდინფიცირების 1 ახალი შემთხვევა აჭარაშიც დადასტურდა. ინფიცირებული ამ შემთხვევაშიც სატვირთო მანქანის მძღოლია. ის თურქეთის მოქალაქეა და მას დღეს საკუთარი სურვილით, სტამბოლში გადაიყვანენ.
ჯამში ქვეყანაში კორონავირუსის 5 ახალი შემთხვევა დაფიქსირდა. მათგან ყველა იმპორტირებულია.