"მძიმე პნევმონიით 4 პაციენტიდან 2 უკვე დასტაბილურდა და გადაყვანილი არიან ჩვეულებრივ განყოფილებებში. იმედი გვაქვს დანარჩენი ორიც მალე უკეთესად იქნება",- ამის შესახებ ინფექციური საავადმყოფოს სამედიცინო დირექტორმა მარინა ეზუგბაიამ განაცხადა.
მისი თქმით, მხოლოდ 2 პაციენტთან არ არის აღმოჩენილი ინფიცირების წყარო, რომელთაგან ერთ-ერთი ეროვნული ბანკის თანამშრომელია. ინფექციურ კლინიკაში ეროვნული ბანკის 8 ინფიცირებული თანამშრომელი მკურნალობს.
მარინა ეზუგბაიას განცხადებით, ახალი ინფიცირებულებიდან 5 ბათუმში, 2 ქუთაისში, დანაარჩენი ხუთი კი თბილისის ინფექციურ საავადმყოფოში მოთავსდა.
საქართველოში კორონავირუსის 208 შემთხვევაა დადასტურებული. გამოჯანმრთელებულია 46, ხოლო გარდაცვლილია 3 პაციენტი.