ოკუპირებულ ცხინვალში კოვიდინფიცირების 12 ახალი შემთხვევა დადასტურდა
1591349491
ოკუპირებული ცხინვალის რეგიონში, გასული დღე-ღამის განმავლობაში, კოვიდინფიცირების 12 ახალი შემთხვევა დადასტურდა.
"გასული დღის განმავლობაში PCR ლაბორატორიაში ჩატარდა 27 ტესტი, მათგან 12 დადებითია. ყველა ახალი პაციენტი რუსეთიდანაა შემოსული. ისინი სამხედრო აკადემიის კურსანტები არიან”,- განმარტა დე-ფაქტო მთავარი სანიტარული სამსახურის უფროსის მოადგილემ ანა გაგლოევამ.
5 ივნისის დილის მონაცემებით, ოკუპირებულ რეგიონში ინფიცირებული 26 პაციენტია, რომელთაგან 19 სამხედრო სასწავლებლის სტუდენტი, 5 მოქალაქე, ხოლო 1 სამედიცინო პერსონალის წარმომადგენელია.
