პირველი საუნივერსიტეტო კლინიკის ექიმებმა კორონავირუსზე ტესტი გაიკეთეს. ყველა მათგანის პასუხი უარყოფითია. ამის შესახებ კლინიკის დირექტორმა ლევან რატიანმა განაცხადა.
"მედპერსონალს ჩაუტარდა გამოკვლევა და ყველა პასუხი მოვიდა უარყოფითი, რაც ძალიან გვახარებს", - აღნიშნა ლევან რატიანმა.
ცნობისათვის - მედიკოსების წარმომადგენლებიდან კორონავირუსი სასწრაფო სამედიცინო დახმარების ექიმს, დაბალი მედპერსონალის ორ თანამშრომელს და ბათუმის ინფექციური საავადმყოფოს ექთანს აქვთ დადასტურებული.
ქვეყანაში კორონავირუსით ინფიცირების 195 შემთხვევაა დაფიქსირებული. გამოჯანმრთელებულია 39, ხოლო გარდაცვლილია 2 პაციენტი.