Pia Logo
COVID-19

რამ გააორმაგა კორონავირუსით გამოწვეული სიკვდილიანობის კოეფიციენტი?

კორონავირუსის ინფექცია, 2020 2
13:06 25.03

კორონავირუსით ინფიცირებულთა რიცხვი 25 მარტის შუადღის მდგომარეობით 424 114-ს აღწევს, გარდაცვლილთა რაოდენობა - 18 931-ს, შესაბამისად, სიკვდილიანობის კოეფიციენტი 4.46%-ს შეადგენს, მაშინ როცა 1.5 თვის წინ 2-ჯერ ნაკლები იყო.

სიკვდილიანობის კოეფიციენტის ზრდა ვირუსის მუტაციას არ გამოუწვევია. საქმე ის არის, რომ სხვადასხვა ქვეყანაში ეს რიცხვი ერთმანეთისგან რადიკალურად განსხვავდება და ის ქვეყნები, სადაც მაღალია, როგორც ინფიცირებულთა საერთო რაოდენობა, ასევე სიკვდილიანობის მაჩვენებელი მნიშვნელოვან გავლენას გლობალურ სტატისტიკაზეც ახდენენ.

სიტუაცია კრიტიკული რჩება იტალიაში, სადაც ორდღიანი კლების შემდეგ 24 მარტს გაიზარდა, როგორც ინფიცირების ასევე გარდაცვალების შემთხვევები. 69 176 დაავადებული და მათგან 6820 გარდაცვლილი. სიკვდილიანობის კოეფიციენტი 9.86%-ს აღწევს. ასეთი კატასტროფული შედეგი რამდენიმე მიზეზით არის განპირობებული. 1) სინამდვილეში ინფიცირებულთა რაოდენობა უფრო მეტია და ყველას აღრიცხვა ვერ ხერხდება. 2) შემთხვევათა ზრდის შემდეგ როგორც ადამიანური ასევე ტექნიკური რესურსი არასაკმარისი აღმოჩნდა. მსხვერპლის რიცხვი განსაკუთრებით ხელოვნური სუნთქვის აპარატების სიმცირემ გაზარდა. გარდაცვლილთა საშუალო ასაკი 79 წელია და მათ უმრავლესობას დიაბეტი, წნევა ან სხვა ქრონიკული დაავადება აწუხებდა. რისკჯგუფში კი სწორედ ასაკიანი და ქრონიკული დაავადების მქონე პირები არიან.

2991 გარდაცვლილი ინფიცირების 42 058 შემთხვევიდან. ეს ესპანეთის სტატისტიკაა, სადაც სიკვდილიანობის კოეფიციენტი 7.11%-ს აღწევს. ესპანეთის შემთხვევა იტალიის მსგავსია. საწოლი ადგილებისა და ადამიანური რესურსის პრობლემა ამ ქვეყანაშიც დგას.

იმ დაშვებით, რომ ირანი ჯანნდაცვის მსოფლიო ორგანიზაციას სწორ ინფორმაციას აწვდის, ქვეყანაში ინფიცირების 24 811 შემთხვევაა აღრიცხული, საიდანაც 1934 გარდაიცვალა. სიკვდილიანობის კოეფიციენტი - 7.79%.

თუ გლობალურ მონაცემებს ამ 3 ქვეყნის სტატისტიკას გამოვაკლებთ, ინფიცირების 288 069 და გარდაცვალების 7186 შემთხვევას. სიკვდილიანობის კოეფიციენტი ასეთ შემთხვევაში ბევრად ნაკლები 2.49% იქნებოდა.

იტალიისა და ესპანეთის განსხვავებით ევროპაში არიან ქვეყნები, სადაც სიკვდილიანობის მაჩვენებელი 0.5%-ზე დაბალია, რომლის საუკეთესო მაგალითიც გერმანიაა, სადაც 33 593-დან 164 ინფიცირებული გარდაიცვალა. სიკვდილიანობის კოეფიციენტი კი 0.49%-ს შეადგენს, ეს მაშინ, როცა საშუალო ასაკი გერმანიაში 47 წელს შეადგენს, იტალიაში მხოლოდ 1 წლით მეტს - 48 წელს, ესპანეთში კი 45-ს.

რეფერენდუმი

29 წელი რეფერენდუმიდან

29 წლის წინ 1991 წლის 31 მარტს საქართველოს მთელს ტერიტორიაზე რეფერენდუმი ჩატარდა...
„საქართველოს ცენტრალური საარჩევნო კომისია (ცესკო), საინფორმაციო ტექნოლოგიური უსაფრთხოების მხარდაჭერი...
16 წუთის წინ
დღეს, ახალი კორონავირუსის საპრევენციო ღონისძიებების ფარგლებში,  დუშეთის მუნიციპალიტეტის მერის წარმომ...
24 წუთის წინ
თბილისში მდებარე სასტუმრო "ივერია ინნ"-ში ტურიზმის ეროვნული ადმინისტრაციის მიერ შექმნილი საკარანტინო...
27 წუთის წინ
ყვარელში ინფრასტრუქტურული პროექტები შეუფერხებლად მიმდინარეობს. სოფელ ალმატში საბავშვო ბაგა-ბაღის სა...
44 წუთის წინ
უმრავლესობის ლიდერი ჟურნალისტებთან 2019 მამუკა მდინარაძე: რეკომენდაციების ინფორმირებუ...
პარლამენტის თავმჯდომარის მოადგილე, მამუკა მდინარაძე მიიჩნევს, რომ დღეს ყველა მოქალაქე რეკომენდაციები...
EMEA Finance-მა თიბისი საქართველოში 2019...
„თიბისიმ საერთაშორისო ფინანსური ჟურნალისგან, EMEA Finance სამი ჯილდო მიიღო“, - ა...
საქართველოს ბანკი მომხმარებელს მობილბანკ...
საქართველოს ბანკი აგრძელებს ვირუსის წინააღმდეგ საპრევენციო ზომების განხორციელება...
დავით ჩიხელიძე: სრული ჭეშმარიტებაა, რომ...
„თავდაცვის მინისტრის ირაკლი ღარიბაშვილის მიერ დაწყებულმა და უკვე ხორცშესხმულმა,...