ჯანდაცვის მინისტრმა ეკატერინე ტიკარაძემ საკოორდინაციო საბჭოს სხდომის დასრულების შემდეგ მედიასთან საუბარში განმარტა ტაქსებში სამ ადამიანზე მეტის ყოფნის შეზღუდვა თუ რა მიზეზით დარჩა.
"ეს გადაწყვეტილება ეფუძნება შემდეგს. ჩვენთვის მნიშნელოვანია და კვლავ დიდხანს დარჩება ძალაში, რომ უნდა დავიცვათ სოციალური დისტანცირება, ტაქსებთან მიმართებაში გარკვეული რისკები არსებობს როგორც მძღოლთან, ასევე მგზავრთან დაკავშირებით. მძღოლს სხვადასხვა გზავრებთან უწევს შეხება, სწორედ ამ პრევენციიდან გამომდინარე ჩვენ დავტოვეთ ეს შეზღუდვა", - განმარტა ტიკარაძემ.