როგორი პირბადე უნდა ვატაროთ ფრენისას?
1597045617
მსოფლიო ჯანდაცვის ორგანიზაციის (WHO) რეკომენდაციით, 60 წელს ზემოთ პირებმა ან მათ, ვისაც ქრონიკული დაავადება თუ ჯანმრთელობის რაიმე პრობლემა აღენიშნებათ, ფრენისას აუცილებლად უნდა ატარონ სამედიცინო ნიღაბი.
„ის ვირუსით ინფიცირებულთაგან უკეთ დაგიცავთ“, - ვკითხულობთ WHO-ს განცხადებაში.
რაც შეეხებათ მათ, ვინც თავს ჯანმრთელად გრძნობენ და არ უჩივიან რაიმე სიმპტომს, WHO- ს რჩევით, შეუძლიათ, ჩვეულებრივი ქსოვილისგან დამზადებული პირბადე გამოიყენონ.
ცნობისთვის, მსოფლიოში Covid-19-მა უკვე 20 026 211 ადამიანი დააინფიცირა, მათგან 12 900 757 გამოჯანმრთელდა, 734 025 კი გარდაიცვალა.
რაც შეეხება საქართველოს, ვირუსი ქვეყანაში კიდევ 10-მა პაციენტმა დაამარცხა.
stopcov.ge-ს მონაცემებით, ამ დროისთვის გამოჯანმრთელებულთა საერთო რაოდენობა 1010-ს შეადგენს. გარდაცვლილი კი 17 ადამიანია.
საქართველოში კოვიდ-19-ის პირველი შემთხვევა 26 თებერვალს დადასტურდა.
11 მარტს ჯანდაცვის მსოფლიო ორგანიზაციამ კორონავირუსი პანდემიად გამოაცხადა.
