საქართველოში კოვიდინფექციის დამარცხება კიდევ 5-მა პაციენტმა შეძლო.
აღნიშნულის შესახებ ინფექციური საავადმყოფოს სამედიცინო დირექტორმა მარინა ეზუგბაიამ განაცხადა.
"განკურნებულებს ჯერჯერობით მხოლოდ 5 დაემატა და გახდა 605. ამ ეტაპზე კოვიდცენტრებში მკურნალობს 166 პაციენტი", - აღნიშნა ეზუგბაიამ.
ცნობისთვის, ამ დროისთვის, საქართველოში კორონავირუსის 783 შემთხვევაა დადასტურებული. უცხოეთიდან სამკურნალოდ გადმოყვანილია საქართველოს სამი მოქალაქე. კარანტინის რეჟიმში 3031 მოქალაქე იმყოფება, ხოლო სტაციონარში მეთვალყურეობის ქვეშ – 262. კოვიდინფექციას საქართველოში 12 ადამიანი ემსხვერპლა.