სოლომონ პავლიაშვილი: მესტიიდან გასაყიდ სასოფლო-სამეურნეო პროდუქციასაც გამოვიტანთ
1597150537
გარემოს დაცვისა და სოფლის მეურნეობის მინისტრის მოადგილის, სოლომონ პავლიაშვილის განცხადებით, მესტიის მუნიციპალიტეტში საკვები პროდუქტების შეუფერხებელ მიწოდებას სადისტრიბუციო კომპანიები უზრუნველყოფენ, რომლებთანაც ტექნიკური საკითხები უკვე შეთანხმებულია.
როგორც პავლიაშვილმა მესტიაში ვიზიტისას განმარტა, მუნიციპალიტეტიდან გასაყიდ სასოფლო-სამეურნეო პროდუქციასაც გამოიტანენ.
„ჩვენ გავაკეთებთ ყველაფერს, მოსახლეობის საჭიროებებით ჩვეულებრივ რეჟიმში უზრუნველსაყოფად. ამის დიდი გამოცდილება გვაქვს მარნეულში, ბოლნისსა და ყარაჯალარში“, - განაცხადა მინისტრის მოადგილემ.
ცნობისთვის, მესტიაში, 10 აგვისტოს, კორონავირუსის 17 შემთხვევის დაფიქსირების შემდეგ, მთავრობის გადაწყვეტილებით, უშგულში, ლენჯერსა და მესტიაში გადაადგილებაზე შეზღუდვები დაწესდა.
ამ დროისთვის, მესტიის მუნიციპალიტეტში კორონავირუსზე 500-მდე ნიმუშია აღებული. ყველაზე ცხელი წერტილი სოფელი ლენჯერია.
