ბოლო 24 საათის განმავლობაში კორონავირუსის 1 673 ახალი დადასტურებული შემთხვევიდან უმრავლესობა თბილისში დაფიქსირდა. ამის შესახებ მთავრობის ადმინისტრაციის ხელმძღვანელმა ნათია მეზვრიშვილმა ბრიფინგზე განაცხადა.
დღეს დადასტურებული შემთხვევების რეგიონული განაწილება ასეთია:
✔️თბილისი - 684
✔️აჭარა - 351
✔️ქვემო ქართლი - 75
✔️იმერეთი - 214
✔️შიდა ქართლი - 98
✔️გურია -41
✔️სამეგრელო-ზემო სვანეთი -86
✔️კახეთი -52
✔️მცხეთა-მთიანეთი - 23
✔️სამცხე-ჯავახეთი- 33
ნათია მეზვრიშვილის განმარტებით, ამ ეტაპზე აქტიური ინფიცირებული შემთხვევა არის 15 912. 4 136 ადამიანი მკურნალობს საავადმყოფოში, მათ შორის, თბილისის საავადმყოფოებში - 2 037, აჭარაში - 699.
მძიმე პაციენტების რიცხვი ქვეყნის მასშტაბით 511-ია, მათ შორის, თბილისში - 256, აჭარაში - 77.
აქედან, ხელოვნური სუნთქვის აპარატზე არის 208 პირი - მათ შორის, თბილისში - 91, აჭარაში - 76. 2 245 ადამიანი არის კოვიდ-სასტუმროში, მათ შორის, 1 145 - აჭარაში, ხოლო 822 - თბილისში. 9 531 მკურნალობს ბინაზე.
საკარანტინე სივრცეშია 3 001 ადამიანი, მათ შორის, თბილისში - 596, აჭარაში-1 435.
სულ 6-30 ოქტომბრის პერიოდში, საზღვრიდან გადაყვანილია - 10 379 პირი.
დღეის მდგომარეობით, თვითიზოლაციაში იმყოფება 30 467 პირი, საიდანაც თბილისში - 3 515 პირი, აჭარაში - 12 996, იმერეთში - 3 997.
ამჟამად ქვეყანაში საერთო ჯამში კოვიდინფიცირების 38 936 შემთხვევაა დადასტურებული, აქედან 22 691 ადამიანი განიკურნა, 307 კი გარდაიცვალა.