მთავარი

ძიება

ვიდეო

ქვიზები

კონტაქტი

ვაქცინირებული ხართ, მაგრამ მაინც ინფიცირდით - როგორ ხდება ეს? - The Washington Post

კოვიდ ტესტირება
1627488672
COVID-19

გასული კვირის განმავლობაში ამერიკაში იყო შემთხვევები, როდესაც ზოგიერთ სრულად ვაქცინირებულ პირს კორონავირუსი დაუდასტურდა. მათი შემთხვევები ცნობილია როგორც „გამრღვევი ინფექციები“,- აღნიშნულ ინფორმაციას The Washington Post ავრცელებს.

ასეთ გამონაკლის შემთხვევებში შეიძლება დაფიქსირდეს ინფიცირება, ეს გასაკვირი არ არის, თუმცა იმას არ ნიშნავს, რომ ვაქცინა ვერ მოერევა ვირუსს.

„მოსალოდნელია მსგავსი „გარღვევის“ ფაქტებიც, მაშინაც კი, როდესაც თქვენ გაქვთ ძალიან ეფექტიანი ვაქცინები“, - აღნიშნა ნიუ იორკის ვეილ კორნელის ინფექციური საავადმყოფოს დირექტორმა როი გულიკმა.

ეს არის დინამიკური პანდემია - ვაქცინებისა და ვირუსის მეცნიერული შესწავლა გრძელდება, ისევე, როგორც ხდება თავად ვირუსის გამომწვევი მიზეზების დადგენა.

კლინიკური კვლევებისა და რეალური მონაცემების საფუძველზე დადგენილია, რომ ამერიკის სურსათისა და წამლის სააგენტოს ადმინისტრაციის მიერ ავტორიზებული სამი ვაქცინა ფართოდ იცავს ადამიანებს კორონავირუსის მავნე ზემოქმედებისგან.

„ვაქცინები ძალზე ძლიერად მოქმედებს დაავადების თავიდან ასაცილებლად“, - განაცხადა როკფელერის უნივერსიტეტის ბიოქიმიკოსმა და ექიმმა რობერტ დარნელმა.

კორონავირუსით გამოწვეული დაავადება გახდა არავაქცინირებულთა სნეულება.

„თუ სამედიცინო დაწესებულებებს დაათვალიერებთ, პაციენტთა 97% არავაქცინირებულია. აშშ–ის თითქმის ყველა კლინიკების პაციენტები, რომლებიც ბოლო დროს გარდაიცვალნენ COVID 19–ით, არ იყვნენ იმუნიზებული. როგორც ჩანს, ეს სიმართლეა, თუმცა სამომავლო კვლევებით კიდევ უფრო გაირკვევა, თუ რამდენად კარგად ებრძვიან ვაქცინები ვირუსის სხვადასხვა შტამებს“, - განაცხადა ექიმმა გულიკმა.

ამჟამად არსებული მონაცემები იმედის მომცემია. ცნობილია, რომ Pfizer-BioNTech-ის ვაქცინის ორი დოზით აცრა 88%-ით ეფექტიანია დელტა ვარიანტის წინააღმდეგ, ნათქვამია გაერთიანებული სამეფოს ჯანდაცვის სამინისტროს განცხადებაში. სხვა ვაქცინა, „მოდერნა“, ასევე, გთავაზობთ ამავე დონის დაცვას, ასევე ლაბორატორიული კვლევებით დასტურდება, რომ „ჯონსონი და ჯონსონის“ ერთი დოზით ვაქცინირება ძლიერ წინააღმდეგობას უწევს დელტა შტამს.

გულიკმა თქვა, რომ COVID 19-ის ვირუსის ვარიანტები „დაახლოებით ერთსა და იმავე სიხშირეებშია წარმოდგენილი“ ანუ არავაქცინირებულთა შორის.

„არსებობს მცდარი წარმოდგენა, რომ ვაქცინები გადაგვაქცევს სრულიად იმუნურ არსებებად, რომელთაც შეუძლიათ მომენტალურად გაანადგურონ ნებისმიერი ვირუსი, რომელსაც წავაწყდებით. ვაქცინები უფრო ჰგავს მოწამლულ ხაფანგებს, რომელშიც შეიძლება მავნებელი ჩავარდეს“, - განაცხადა სტენ ვერმუნდმა, ინფექციურმა ეპიდემიოლოგმა და იელის საზოგადოებრივი ჯანმრთელობის სკოლის დეკანმა.

როდესაც იმუნიზირებულ ადამიანებს ხშირად არ უტარდებათ გამოკვლევები, შესაძლებელია მრავალი ინფექცია უბრალოდ შეუმჩნეველი დარჩეს. თუ ვაქცინირებულ ადამიანებს განმეორებით უტარდებათ გამოკვლევა სიმპტომების მიუხედავად, ჩატარებულ ტესტებს შეუძლიათ აღმოაჩინონ ინფექციები, სანამ არ დამარცხდება იმუნური სისტემით.

კორონავირუსის ვაქცინები თითქმის ყოველთვის გიშლით ხელს ავად გახდეთ, მაგრამ მათ ყოველთვის არ შეუძლიათ შეაჩერონ ინფექცია. ყველა ინფექცია არ გადადის კოვიდ 19-მდე. შესაძლებელია, ვირუსი არსებობდეს ორგანიზმში ისე, რომ არ გამოიწვიოს დაღლილობა, ტკივილი, სუნის დაკარგვა ან სხვა სიმპტომები, რომლებიც ახასიათებს კოვიდ 19-ს. ეს არის ის, რაც ცნობილია, როგორც ასიმპტომური ინფექცია.

„გამრღვევი ინფექციები“ შეიძლება ასიმპტომური იყოს. ისინი შეიძლება შეიცავდეს მცირე რაოდენობით ვირუსის, განვითარებად მონაცემებს. პროფესორისა და ექიმის ჯეი კოლის თქმით, ეს ინფექციები შეიძლება იყოს ცხვირსა და ზედა სასუნთქი გზებში, ფილტვების ან სხეულის სხვა სასიცოცხლო ორგანოების დაზიანების გარეშე.

კორონავირუსის ვაქცინები პროვოცირებას უკეთებენ სხეულს იმუნური მებრძოლებს რამდენიმე ტიპად, მათ შორის ანტისხეულებს, რომლებიც აკავებენ ვირუსს ჯანსაღ უჯრედებში და T უჯრედებში, ისინი ნადირობენ და კლავენ ინფიცირებულ უჯრედებს. კორონავირუსის ვაქცინები ხშირად ხდება მკლავების კუნთებში და შედეგად ეს დამცველები წარმოიქმნება გულმკერდის მახლობლად მდებარე კვანძებსა და ორგანოებში. ვირუსის შემოჭრიდან რამდენიმე დღეში, ამ დაავადების მებრძოლების გამოძახება ხდება ინფექციის ადგილზე, ვირუსის განადგურების მიზნით.

„კორონავირუსული გარღვევის“ ინფექციების საერთო რაოდენობის შეფასება რთულია. აპრილის ბოლოს CDC–მ აღნიშნა რომ 101 მილიონ სრულად აცრილ მოზარდს შორის იყო ინფიცირების 10,000–ზე მეტი შემთხვევა, რაც დაახლოებით 1 შემთხვევაა 10 000 აცრილ ადამიანზე. CDC–ს მეცნიერებმა განაცხადეს, რომ ეს ასახავს იმ დროს, როდესაც კორონავირუსის უაღრესად გადამდები დელტა ვარიანტი ჯერ კიდევ არ იყო ფართოდ გავრცელებული აშშ-ში.

ამერიკის სამედიცინო ასოციაციის ჟურნალში გამოქვეყნდა ინფორმაცია, რომ აღნიშნული შემთხვევები არ არის ისეთი მძიმე, არ იწვევს ჰოსპიტალიზაციასა და ლეტალობის შემთხვევას. CDC–მ აღნიშნა, რომ მას აქვს რამდენიმე გზა „გარღვევის“ შემთხვევების გამოსაძიებლად, მათ შორის ჯანდაცვის სახელმწიფო და ტერიტორიულ დეპარტამენტებთან კოორდინაციით.

ვაქცინირებული ადამიანების თვალყურის დევნება ხშირი სკრინინგის საშუალებით შეიძლება გვთავაზობდეს მიღწევების მაღალ მაჩვენებელს. ჯანდაცვის ეროვნული ინსტიტუტის დირექტორმა ფრენსის კოლინზმა, განაცხადა, რომ NIH-ს 46,000 თანამშრომელს შორის „ზოგჯერ გარღვევა აქვს“, რომელთა უმეტესობა აცრილია.

„ინფიცირებულებს აქვთ მსუბუქი სიმპტომები. ჩვენ ჯერ არ გვინახავს, ​​რომ ვინმეს მართლა პრობლემები ჰქონოდა, - თქვა კოლინზმა.

როკფელერის უნივერსიტეტში, სადაც ვირუსზე რეგულარულად იმოწმებენ პროფესორ-მასწავლებლებსა და პერსონალს, 400-ზე მეტი ვაქცინირებული თანამშრომლიდან ორს ჰქონდა ვირუსით ინფიცირების შემთხვევა - ნათქვამია New England Journal-ში. ორ თანამშრომელს აღენიშნებოდა ყნოსვის და გემოს დაკარგვა, თუმცა არცერთს არ დასჭირვებია ექიმის ჩარევა.

შეიძლება თუ არა ვაქცინირებულთა ინფიცირება, უცნობია.

„ჩვენ აქ მონაცემების გარეშე ვართ“, - თქვა სტივენ დიკსმა, სან–ფრანცისკოს კალიფორნიის უნივერსიტეტის ექიმმა, რომელიც covid 19-ის გრძელვადიან ეფექტებს შეისწავლის. დიკს ჰიპოთეზა აქვს, რომ ხანგრძლივი კოვიდის ვირუსი, ნაწილობრივ, დამოკიდებულია თავად ვირუსის რაოდენობაზე, რომელიც იმყოფება ინფექციის ადრეულ სტადიაზე.

„იმედი მაქვს, რომ ინფიცირება იმ ადამიანებში, რომლებიც იმუნიზირებული არიან, ნაკლები იქნება“, - განაცხადა დიქსმა.

იხილეთ აგრეთვე:

📣რამდენად ეფექტიანია „ფაიზერის“ და „ასტრაზენეკას“ ორი დოზა „დელტა“ ვარიანტის წინააღმდეგ? - New England Journal of Medicine კვლევა

📣გაჩნდა თუ არა დელტა შტამი კოვიდვაქცინაციის გამო? - Deutche Welle

📣„კორონავირუსის ვარიანტები ვაქცინების წინააღმდეგ ბრძოლაში იმარჯვებენ“ - გებრეისუსი

📣რა სიმპტომებით ვლინდება ინდური შტამი? - BBC

📣ანტისხეულები თუ ვაქცინაცია: რომელი უფრო გვიცავს?