ფინანსთა მინისტრის მოადგილემ ლაშა ხუციშვილმა ანტიკრიზისული გეგმის შეღავათებზე საუბრისას კომპენსაციის გაცემის წესები დააზუსტა.
ლაშა ხუციშვილის განცხადებით კომპენსაციას მიიღებს ყველა ის დაქირავებით დასაქმებული, რომელსაც მიმდინარე წლის იანვარ-მარტში ხელფასის 1 ჩარიცხვა მაინც უფიქსირდება და შემდეგ ის შეუწყდა, როგორც სამსახურიდან გათავისუფლებულები ასევე უხელფასო შვებულებაში გაშვებული პირებიც. კომპენსაციის ჯამური ოდენობა 1200 ლარს შეადგენს, რომელიც 6 თვეზე გადანაწილდება.