მთავარი

ძიება

ვიდეო

ქვიზები

კონტაქტი

ფინანსთა სამინისტროს სახაზინო ობლიგაციების აუქციონის შედეგი

საქართბელოს ეროვნული ბანკის შენობა

2020 წლის 27 ოქტომბერს, ფინანსთა სამინისტროს სახაზინო ობლიგაციების აუქციონზე 80 000 000 ლარის ნომინალური ღირებულების 5-წლიანი ვადიანობის ფასიანი ქაღალდები გაიყიდა. ამის შესახებ ინფორმაციას ეროვნული ბანკის საზოგადოებასთან ურთიერთობის სამსახურის წარმომადგენელი ავრცელებს.

„აუქციონში მონაწილეობა მიიღო ოთხმა კომერციულმა ბანკმა. მოთხოვნამ შეადგინა 130 530 000 ლარი. მინიმალური საპროცენტო განაკვეთი 8.270 პროცენტით, მაქსიმალური 8.350 პროცენტით, ხოლო საშუალო შეწონილი 8.288 პროცენტით განისაზღვრა“, - აღნიშნულია გავრცელებულ ინფორმაციაში.

როგორც ცნობილია, კუპონური საპროცენტო განაკვეთი 9.125 პროცენტს შეადგენდა.

„კუპონის გადახდა მოხდება წელიწადში ორჯერ, ყოველ ექვს თვეში“, - ნათქვამია გავრცელებულ ინფორმაციაში.