სიღნაღის 8 სოფელი 24 საათიან წყალმომარაგებაზე გადავა
1597128177
სიღნაღის მუნიციპალიტეტის 8 სოფელში წყლის სისტემის რეაბილიტაციის სამუშაოები იწყება. პროექტი სოფლების - ტიბაანის, ანაგის, ბოდბისხევის, ქვემო ბოდბის, საქობოს, ვაქირის, ჯუგაანისა და ქვემო მაღაროს უწყვეტ წყალმომარაგებას ითვალისწინებს.
რეგიონული განვითარებისა და ინფრასტრუქტურის სამინისტროს ცნობით, მშენებლობას ტენდერში გამარჯვებული კომპანია შპს „გზა" უახლოეს დღეებში დაიწყებს.
„კონტრაქტორმა პროექტით გათვალისწინებული სამუშაოები 26 თვეში უნდა დაასრულოს. სოფლების წყლის სისტემის მოწყობისთვის საქართველოს მთავრობის დაფინანსებით 27 მლნ ლარია გათვალისიწინებული. სამუშაოების ფარგლებში გათვალისიწნებულია სრულიად ახალი გამანაწილებელი ქსელის და ჭაბურღილების მოწყობა, ასევე აშენდება ახალი რეზერვუარები და საქლორატორო. სამუშაოების დასრულების შედეგად, 8 სოფლის მოსახლეობა, 24 საათიანი წყალმომარაგებით იქნება უზრუნველყოფილი“, - განმარტავენ რეგიონულ განვითარებისა და ინფრასტრუქტურის სამინისტროში.
