არჩევნები 2020

არჩილ თალაკვაძე: გვჯერა, რომ ჩვენი საზოგადოების, ჩვენი მოქალაქეების მხარდაჭერით ღირსეულად გავიმარჯვებთ სამართლიან ბრძოლაში

არჩილ თალაკვაძე გივი ჭიჭინაძის წარდგენაზე
23:58 01.10
დაკოპირებულია

„ჩვენ გვაქვს ხედვა, ჩვენ ვართ მომავალზე ორიენტირებული გუნდი, გვყავს წარდგენილი ძალიან გამოცდილი ადამიანები უკვე განახლებულ საპარლამენტო გუნდში და მთავრობასთან ერთად, რომელიც არჩევნების შემდეგ დაკომპლექტდება, ჩვენ განვაგრძობთ საქმის კეთებას“,- ამის შესახებ საქართველოს პარლამენტის თავმჯდომარემ “ქართული ოცნება-დემოკრატიული საქართველოს“ 2020 წლის საარჩევნო პროგრამის პრეზენტაციის დასრულების შემდეგ განაცხადა.

არჩილ თალაკვაძემ „ქართული ოცნების“ რვაწლიანი საქმიანობის ანგარიშის შესახებ ისაუბრა და აღნიშნა, რომ მმართველი გუნდი მშვიდობასა და სტაბილურობას, ასევე, ადამიანის ჯანმრთელობის, მისი ღირსების დაცვის, ბიზნესისა და მეწარმეობის თავისუფლებას, საკუთრების უფლებას, ასევე, პრაგმატულ და შედეგზე ორიენტირებულ საგარეო პოლიტიკას ემსახურება.

„სიმბოლურია, რომ დღეს პარტია „ქართული ოცნების“, ჩვენი პოლიტიკური გუნდის ლიდერმა და პარტია „ქართული ოცნების“ ლიდერმა და თავმჯდომარემ, ბატონმა ბიძინა ივანიშვილმა საზოგადოებას წარუდგინა რვაწლიანი საქმიანობის ანგარიში. ეს არის ის საქმე, რომელიც ჩვენ ამ წლების განმავლობაში, საზოგადოების მხარდაჭერით გავაკეთეთ და ასევე, ღირებულებები, რომელსაც „ქართული ოცნება“ ემსახურება და რომლისაც ჩვენ ყველას გვჯერა - ეს არის, პირველ რიგში, მშვიდობა და სტაბილურობა ჩვენი ქვეყნისთვის, ეს არის ადამიანის ჯანმრთელობის, მისი ღირსების დაცვა, ეს არის თავისუფლება მეწარმეობის, ბიზნესის სფეროში, საკუთრების უფლება და რასაკვირველია, სწორი, პრაგმატული და შედეგზე ორიენტირებული საგარეო პოლიტიკა, რომლის შედეგადაც საქართველო დღეს არის დასავლეთისთვის კიდევ უფრო საიმედო პარტნიორი, ჩვენ გვაქვს მტკიცე ურთიერთობები ჩვენს მეგობრებთან და ასევე, საქართველო არის სტრატეგიულ მზადყოფნაში, რათა გაწევრიანდეს ნატოში.

ასევე, მოგეხსენებათ, რომ საქართველო გააკეთებს ევროკავშირის წევრობაზე განაცხადს, რისთვისაც ჩვენ ფუნდამენტური რეფორმები გავატარეთ სხვადასხვა სფეროში. ეს საქმე გაგრძელდება, ჩვენ გვაქვს ხედვა, ჩვენ ვართ მომავალზე ორიენტირებული გუნდი, გვყავს წარდგენილი ძალიან გამოცდილი ადამიანები უკვე განახლებულ საპარლამენტო გუნდში და მთავრობასთან ერთად, რომელიც არჩევნების შემდეგ დაკომპლექტდება, ჩვენ განვაგრძობთ საქმის კეთებას. ძალიან კარგად გვესმის, თუ რა საჭიროებები არსებობს, გვესმის, რომ არაერთი ადამიანი, ოჯახი ჯერ კიდევ რჩება გაჭირვებასთან და უმუშევრობასთან პირისპირ, მათ სჭირდებათ სახელმწიფოს ქმედითი დახმარება, ჩვენ ამ ყველაფერს გავაკეთებთ. ჩვენ შევძელით, ყველაზე რთულ პერიოდში დაგვემტკიცებინა, რომ სახელმწიფოს აქვს ძლიერი ინსტიტუტები და მთავრობა არის ეფექტური, მთავრობა ზრუნავს თითოეულ მოქალაქეზე, „ქართული ოცნების“, ჩვენი პოლიტიკური პარტიის და რაც მთავარია, საქართველოს ხელისუფლების ყურადღების ცენტრში არის ადამიანი და ეს ასეც იქნება მომავალში. ჩვენ გვჯერა, რომ ჩვენი საზოგადოების, ჩვენი მოქალაქეების მხარდაჭერით ღირსეულად გავიმარჯვებთ სამართლიან ბრძოლაში“,- განაცხადა პარლამენტის თავმჯდომარემ.

სომხეთ-აზერბაიჯანის კონფლიქტი

სომხეთ-აზერბაიჯანის კონფლიქტი - უახლესი...

ახალი ამბების სააგენტო Pia.ge გაგაცნობთ ყარაბაღის ტერიტორიაზე მიმდინარე სამხედრო...
დავით გარეჯის საქმეზე პარტია „ქართული დასის“ ლიდერი ჯონდი ბაღათურია გამოიკითხა. იგი საგამოძიებო უყებ...
00:08
„ქართული ოცნების“ ზუგდიდის მაჟორიტარი დეპუტატობის კანდიდატი ირაკლი ჩიქოვანი, საარჩევნო კამპანიის ფარ...
23:46 22.10
მარტყოფში 19 წლის ახალგაზრდა მოკლეს. მამაკაცს ცივი იარაღით სასიკვდილო ჭრილობები არასრულწლოვანმა თანა...
23:35 22.10
ისანში, მეტრომშენში მცხოვრებმა რამდენიმე მოქალაქემ ისნის რაიონის მაჟორიტარი დეპუტატობის კანდიდატის,...
22:53 22.10
ქართული ოცნების საარჩევნო სიის წევრი მიხეილ დაუშვილი: ჩვენი მიზანია საქართველო შეს...
„მიზნად ვისახავთ, რომ ჩვენი მოქალაქეებისთვის, იმ ადამიანებისთვის, ვისაც სურს ჩართვა ბიზნესში და მეწა...
ლევან დავითაშვილი: ფერმერთა და აგრომეწარ...
ფერმერთა და აგრომეწარმეთა ცოდნა და ინფორმირება მნიშვნელოვანი მიმართულებაა, რასაც...
ლევან დავითაშვილი: 5000 ჰექტრამდე ახალი...
„ერთ-ერთი მნიშვნელოვანი დარგობრივი მხარდაჭერა ჩვენი მხრიდან იყო მრავალწლოვანი კუ...
მარიამ ქვრივიშვილი: ჩვენ ერთად ვიზრუნებთ...
„ჩვენ ერთად ვიზრუნებთ იმაზე, რომ ჩვენი ღირსეული წვლილი შევიტანოთ იმ ღირსეულ საქმ...