დავით გარეჯის კომისიის წევრის ნატალია ილიჩოვას საცხოვრებელ სახლში ჩხრეკა მიმდინარეობს. ამის შესახებ ინფორმაციას „რუსთავი 2“ ავრცელებს.
ადგილზე, ამ წუთებში, სამართალდამცველები არიან მობილიზებულები.
„რუსთავი 2“-ის ინფორმაციით, სწორედ ნატალია ილიჩოვაა ის პირი, ვისგანაც გამოძიებამ 1938 წლის რუკის ორიგინალი ამოიღო. ჩხრეკა, სავარაუდოდ, სწორედ ამ საკითხს უკავშირდება.
გავრცელებული ინფორმაციით, ჩხრეკა ასევე მიმდინარეობს საზღვრის დელიმიტაცია- დემარკაციის საკითხზე მომუშავე კომისიის ყოფილი თავმჯდომარის ივერ მელაშვილის ოფისშიც.