მესტიის მუნიციპალიტეტის სოფელ ბეჩოში შუახნის ქალი დაჭრეს.
დაჭრილი მესტიის საავადმყოფოში გადაიყვანეს, მისი ჯანმრთელობის მდგომარეობა სტაბილურად მძიმეა.
ქალს გამჭოლი ჭრილობა გულ-მკერდის არეში აქვს მიყენებული.
არსებული ინფორმაციით, დანაშაული გუშინ დაშავებულის საცხოვრებელ სახლში მოხდა. სახლის მიმართულებით, ამ დრომდე დაუდგენელმა პირმა გაისროლა და მიიმალა.
მომხდარზე გამოძიება მიმდინარეობს სსკ-ის 19-108 მუხლით, რაც განზრახ მკვლელობის მცდელობას გულისხმობს, ასევე სსკ-ის 236-ე მუხლით, რაც იარაღის უკანონო შეძენა, შენახვა, ტარებას გულისხმობს.