მთავარი

ძიება

ვიდეო

ქვიზები

კონტაქტი

შსს ბაჩალიაშვილის ხელწერის ექსპერტიზის დასკვნას აქვეყნებს

ცხედართან ერთად აღმოჩენილი ნივთები

შინაგან საქმეთა სამინისტრო 23 წლის თამარ ბაჩალიაშვილის საქმის გამოძიების მიმდინარეობასთან დაკავშირებით დამატებით ინფორმაციას ავრცელებს.

„2020 წლის 5 აგვისტოს ლევან სამხარაულის სახელობის სასამართლო ექსპერტიზის ეროვნული ბიუროდან მიღებულ იქნა ხელწერის ექსპერტიზის დასკვნა, რომლის თანახმადაც, შემთხვევის ადგილზე ავტომანქანის დათვალიერებისას აღმოჩენილ მოცისფრო, პატარა ზომის ფურცელზე არსებული ტექსტობრივი ჩანაწერი: „ანაბარზე თანხაა, გამოიყენეთ“ - შესრულებულია თამარ ბაჩალიაშვილის მიერ. შემთხვევის ადგილზე ნანახი, თამარ ბაჩალიაშვილის კუთვნილი ავტომანქანა იყო დაკეტილ მდგომარეობაში. ავტომანქანის გასაღები კი მოთავსებული იყო უკანა სავარძელზე, რის გამოც ავტომანქანის გაღება მოხდა ოჯახის წევრების მიერ წარმოდგენილი სათადარიგო გასაღებით. ასევე, გადამოწმდა თამარ ბაჩალიაშვილის კუთვნილი ანგარიშები. ერთ-ერთ ბანკში თამარ ბაჩალიაშვილის ანაბარზე ირიცხება 75 000 ლარი.

თამარ ბაჩალიაშვილის საქმეზე ინტენსიურად გრძელდება გამოძიება, მიმდინარეობს ექსპერტიზები. სამინისტრო აქტიურ კომუნიკაციაშია ოჯახთან. აღნიშნულ საქმესთან დაკავშირებით პერიოდულად მოხდება საზოგადოების ინფორმირება“,- აღნიშნულია შსს-ს განცხადებაში. უწყება შესაბამის ფოტომასალას აქვეყნებს.

bachaliashvilis-tserili_o_h.jpeg

bachaliashvilze-ekspertiza_o_h.jpeg

bachaliashvilze-ekspertiza_o_h.jpeg

bachaliashvilze-ekspertiza_o_h.jpeg

ekspertiza-bachaliashvilze_o_h.jpeg

bachaliashvilze-ekspertiza_o_h.jpeg

bachaliashvilis-ekspertiza_o_h.jpeg

bachaliashvilze-ekspertiza_o_h.jpeg