შინაგან საქმეთა სამინისტროს განცხადებით, ზუგდიდში სპეცოპერაციისას დაკავებულ დავით შენგელიას ბრალი ნარკოტიკული საშუალების უკანონო შეძენა-შენახვის მუხლით ედება.
უწყების ცნობით, დაკავებულის ჩხრეკისას ამოღებულია ნარკოტიკული ნივთიერებები „მეტადონი“ და „ლირიკა“.
„სამართალდამცველებმა, დაკავებულის პირადი, ავტომანქანისა და საცხოვრებელი სახლის ჩხრეკისას, ნარკოტიკული საშუალებები - „მეტადონი” და „ლირიკა”ამოიღეს. ასევე, ნივთმტკიცების სახით ამოღებულია დაკავებულის პირადი ავტომანქანა, 6 785 აშშ დოლარი და 500 ევრო“, - ნათქვამია უწყების განცხადებაში.
ნარკოტიკული საშუალების უკანონო შეძენა-შენახვის ფაქტზე გამოძიება სისხლის სამართლის კოდექსის 260-ე მუხლით მიმდინარეობს.