„ჩვენი საქართველო - სოლიდარობის ალიანსი“ თბილისის მაჟორიტარი დეპუტატობის კანდიდატებს 10 აგვისტოს წარადგენს
1594555296
პარტია „ჩვენი საქართველო - სოლიდარობის ალიანსი“ თბილისის მაჟორიტარობის კანდიდატებს 10 აგვისტოს წარადგენს, ხოლო 20-30 აგვისტოს პარტია იმ კანდიდატებს დაასახელებს, რომლებიც სხვადასხვა რეგიონების მაჟორიტარული მანდატებისთვის იბრძოლებენ. ამის შესახებ ინფორმაციას პარტიის პრესსამსახური ავრცელებს.
პარალელურად, პარტია ეტაპობრივად გახსნის ოფისებს რეგიონებში.
„ჩვენი საქართველო - სოლიდარობის ალიანსის“ მიზანია უფრო მეტი შინაარსი და ხალხის ინტერესების ამსახვილი მსჯელობა დაამკვიდროს ქართულ პოლიტიკაში, შემოიკრიბოს საზოგადოებრივი ნდობითა და პროფესიონალიზმით გამორჩეული თანამოაზრეები და ახალი პოლიტიკური ესთეტიკა შემოიტანოს ქვეყნის პოლიტიკურ დისკუსში“, - ნათქვამია პარტიის განცხადებაში.
დამოუკიდებელი დეპუტატების გაერთიანება საარჩევნო პროგრამის პრეზენტაციას 1-ელ აგვისტოს გამართავს.
პარტია „ჩვენი საქართველო- სოლიდარობის ალიანსი“ “ქართული ოცნებიდან“ წასულმა პარლამენტის მოქმედმა დეპუტატებმა მარიამ ჯაშმა, ბექა ნაცვლიშვილმა, ლევან გოგიჩაიშვილმა, ზვიად კვაჭანტირაძემ, გედევან ფოფხაძემ, ასევე თბილისის საკრებულოდან ჯაბა ჯიშკარიანმა შექმნეს.
