„როცა ვსაუბრობ, რომ პოლიტიკურ შეფერილობას იძენს ტრაგიკული საქმეები, სწორედ ამას ვგულისხმობ. მე ვამბობ, რომ ყველა კითხვას უნდა გაეცეს პასუხი საგამოძიებო უწყების მიერ. ახლა მთავარია, ხელი შევუწყოთ გამოძიებას და მხოლოდ მისი დასრულების შემდეგ შეიძლება შეფასების გაკეთბა. ის, რაც ახლა ხდება, ამის გამოყენება პოლიტიკური ინტერესებისთვის ყოვლად მიუღებელია“, - ამის შესახებ პრემიერ-მინისტრმა გიორგი გახარიამ ჟურნალისტებთან ასურეთში ვიზიტისას გიორგი შაქარაშვილის საქმესთან დაკავშირებით განაცხადა.
მისი თქმით, დამნაშავისთვის სასჯელის აურიდებლობა იქნება ყველაზე მნიშვნელოვანი, ხოლო შემდეგ დადგინდება, დაუშვა თუ არა პოლიციამ შეცდომა.
„თუ რომელიმე სამართალდამცავმა დაუშვა შეცდომა, ეს უკვე პროკურატურამ უნდა გამოიძიოს და არ უნდა იყოს ეს ჭორაობის საგანი“,- აღნიშნა პრემიერმა.
ცნობისთვის, 19 ივნისს გიორგი შაქარაშვილის ოჯახმა ფეხბურთელის დაკარგვის შესახებ შსს-ს მიმართა. პოლიციამ, სამაშველო სამსახურთან ერთად, შეტყობინების მიღებისთანავე დაიწყო სამძებრო სამუშაოები, რომელიც 4 დღე გაგრძელდა. მყვინთავებმა ფეხბურთელ გიორგი შაქარაშვილის ცხედარი წყალში იპოვეს.