პოლიტიკა

ირაკლი ბერაია: საქართველოს პროგრესმა ევროატლანტიკური ინტეგრაციის პროცესში უპრეცედენტოდ მაღალ ნიშნულს მიაღწია

საგარეო კომიტეტის თავმჯდომარე
14:04 29.09
დაკოპირებულია

„საქართველოს და მის მოქალაქეებს აქვთ სურვილიც, სწრაფვაც და შესაძლებლობაც ჩვენი წვლილით, პასუხისმგებლობით და ქართული გამოცდილებით განვამტკიცოთ ევროპული ღირებულებები და გავაძლიეროთ ევროპული და ევროატლანტიკური ინსტიტუტები“, - ამის შესახებ საგარეო ურთიერთობათა კომიტეტის თავმჯდომარემ, ირაკლი ბერაიამ პრემიერ-მინისტრის ბრიუსელში სამუშაო ვიზიტის შეფასებისას განაცხადა.

მისივე თქმით, „ქართული ოცნების“ ხელისუფლების პირობებში საქართველოს პროგრესმა ევროპული და ევროატლანტიკური ინტეგრაციის პროცესში მიაღწია უპრეცედენტოდ მაღალ ნიშნულს.

„დღემდე ყველა დროის მაქსიმუმს, როგორც პოლიტიკური, ასევე პრაქტიკული თვალსაზრისით. დღეს, გლობალური პანდემიის პირობებში, საქართველოდან უმაღლესი დონის უმნიშვნელოვანესი შეხვედრებით და შინაარსობრივად დატვირთული ეს ვიზიტი ერთი მხრივ, კიდევ ერთხელ ადასტურებს ჩვენი ქვეყნისთვის და ხელისუფლებისთვის ევროპული და ევროატლანტიკური მისწრაფების პრიორიტეტულობას, მის შეუქცევადობას და მეორე მხრივ, ნატოს და ევროკავშირის დღის წესრიგში საქართველოს საკითხის აქტუალობას და მის მნიშვნელობას“, - აღნიშნა ირაკლი ბერაიამ.

მისივე თქმით, საქართველო, როგორც ნატოს მთავარი ასპირანტი და გაძლიერებული შესაძლებლობების პარტნიორი, ფლობს ყველა პრაქტიკულ ინსტრუმენტს ალიანსში გაწევრიანებისთვის.

„ნატო-საქართველოს მჭიდრო პარტნიორობის მზარდ დინამიკაზე აგრეთვე მეტყველებს გენერალური მდივნის, ნატოს სამხედრო კომიტეტის, ჩრდილოატლანტიკური საბჭოს ვიზიტების, ისევე როგორც ნატოს სამხედრო ხომალდების საპორტო ვიზიტების და ერთობლივი წვრთნების გაზრდილი და გახშირებული რაოდენობა. საქართველო დღეს ბევრად უფრო თავსებადია ნატოსთან, ვიდრე მისი ზოგიერთი მოკავშირე და სრულად პასუხობს ალიანსში გაწევრიანების ყველა კრიტერიუმს და მოთხოვნას“, - განაცხადა საგარეო ურთიერთობათა კომიტეტის თავმჯდომარემ.

ირაკლი ბერაიამ აღნიშნა, რომ ასოცირების და თავისუფალი ვაჭრობის შესახებ შეთანხმებების ხელმოწერით, ევროკავშირის ქვეყნებთან უვიზო მიმოსვლით, საქართველომ განიცადა ფუნდამენტური წინსვლა ევროკავშირში ინტეგრაციის თვალსაზრისით.

„ევროპის ენერგეტიკულ გაერთიანებაში, ტრანსევროპულ სატრანსპორტო ქსელში და საქართველო-ევროკავშირის სტრატეგიულ დიალოგში ჩართულობამ, კიდევ უფრო დააახლოვა საქართველო ევროკავშირთან და მის ინსტიტუტებთან. ისტორიულად, ჩვენ ვართ ევროპის განუყოფელი ნაწილი და ვდგამთ ქმედით ნაბიჯებს ევროკავშირში სრულფასოვანი წევრობისთვის“, - განაცხადა საგარეო ურთიერთობათა კომიტეტის თავმჯდომარემ.

მისივე შეფასებით, მიმდინარე ვიზიტი წარმოადგენს კარგ შესაძლებლობას ევროპელ და ნატოელ პარტნიორებთან განხილული იყოს თანამშრომლობის ძირითადი ასპექტები და მათი გაღრმავების პერსპექტივები.

„განსაკუთრებული ყურადღება დაეთმობა ევროპული და ევროატლანტიკური ინტეგრაციის გზაზე შემდგომი ნაბიჯების განხილვას, ნატოში გაწევრიანების პრაქტიკული ინსტრუმენტების, ისე როგორც, ბუქარესტის 2008 წლის სამიტის გადაწყვეტილებას აღსრულების მიზნით პოლიტიკური მხარდაჭერის კიდე უფრო გაძლიერებას, ისევე როგორც ევროკავშირთან სავაჭრო-ეკონომიკურ, სატრანსპორტო და სხვა სფეროებში თანამშრომლობის შემდგომ გაღრმავებას“, - განაცხადა ირაკლი ბერაიამ.

ბერაიამ აღინიშნა, რომ მიმდინარე ვიზიტის ფარგლებში, ხელი მოეწერება მნიშვნელოვან შეთანხმებებს, რომლის თანახმადაც, საქართველო ევროკავშირისგან მიიღებს მნიშვნელოვან ფინანსურ მხარდაჭერას პანდემიის შედეგად სოციალურ-ეკონომიკური ვითარების გაუმჯობესებისთვის.

„ევროპულ და ევროატლანტიკურ ოჯახში ინტეგრაცია არის არა მხოლოდ ჩვენი უსაფრთხოების და საგარეო პოლიტიკის უმთავრესი პრიორიტეტი, არამედ ჩვენი მოსახლეობის ღირებულებებზე დაფუძნებული არჩევანი“, - განაცხადა ირაკლი ბერაიამ.​

სომხეთ-აზერბაიჯანის კონფლიქტი

სომხეთ-აზერბაიჯანის კონფლიქტი - უახლესი...

ახალი ამბების სააგენტო Pia.ge გაგაცნობთ ყარაბაღის ტერიტორიაზე მიმდინარე სამხედრო...
მიმდინარე კვირის განმავლობაში საქართველოში თბილი ამინდი შენარჩუნდება. ამის შესახებ გარემოს ეროვნული...
00:08
ქუთაისში, კლინიკა „ბომონდის“ კოვიდცენტრში 4 ინფიცირებულ ორსულს საკეისრო კვეთა ჩაუტარდა. საკეისრო კვე...
00:01
სომხეთის პრემიერ-მინისტრის მეუღლის ანა აკოპიანის განცხადებით, ყარაბაღის ომში ქალთა რაზმიც მიიღებს მო...
23:46 26.10
„აზერბაიჯანი ჰუმანიზმის პრინციპებით ხელმძღვანელობს და მზადაა დაღუპული სამხედროების ცხედრები სომხეთს...
23:04 26.10
„თავისუფალი საქართველოს“ ლიდერი კახა კუკავას კორონავირუსი დაუდასტურდა
პარტია „თავისუფალი საქართველოს“ ლიდერს კახა კუკავას კორონავირუსი დაუდასტურდა. ამის შესახებ ინფორმაცი...
22:41 26.10
დარეჯან დედოფლის სასახლის სამონასტრო კომ...
თბილისის განვითარების ფონდმა, პროექტ „ახალი ტფილისის“ ფარგლებში, დარეჯან დედოფლი...
ვლადიმერ ბორცვაძე: ეს არის მიზანმიმართულ...
შინაგან საქმეთა მინისტრის მოადგილემ ვლადიმერ ბორცვაძემ ზუგდიდში გამართული ბრიფინ...
იოსებ ხახალეიშვილი: წარმატების მისაღწევა...
„ქართული ოცნება - დემოკრატიული საქართველოს“ ქუთაისის მერობის კანდიდატი იოსებ ხახ...