საპარლამენტო უმრავლესობის წევრის ირაკლი კობახიძის განცხადებით, ახალ საარჩევნო მოდელზე საკონსტიტუციო ცვლილების პროექტის მიღება მათემატიკურად ოპოზიციას აწყობს.
"ცვლილებების საფუძველზე ისინი მიიღებენ მეტ მანდატს პარლამენტში, ვიდრე მიიღებდნენ 73/77-ის ფარგლებში. თუმცა, რეალობაა ის, რომ მათვის არჩევნებს აზრი აქვს დაკარგული.
გიორგი რურუა არის საბაბი. მიზეზი არის ის, რომ არჩევნებში ვერ ხედავენ აზრს, გამომდინარე იქიდან, რომ ერთი არის 12%-იანი პარტია, მეორეა 3% პოლიტიკური პარტია. ასეთ პირობებში ბუნებრივია მათთვის არჩევნებმა აზრი დაკარგა", - აღნიშნა ირაკლი კობახიძემ.
საკონსტიტუციო ცვლილების პროექტის თანახმად, 2020 წლის საპარლამენტო არჩევნები 120/30-ზე მოდელით და 1%-იანი ბარიერით ჩატარდება. 120/30-ზე მოდელი გულისხმობს, რომ პარლამენტში პროპორციული სიით 120 დეპუტატი შევა, მაჟორიტარი კი, 30 იქნება.
2020 წლის საპარლამენტო არჩვნები 31 ოქტომბერს გაიმართება.
პროექტის საყოველთაო-სახალხო განხილვა 4 ივნისს არის დაგეგმილი.