რატი იონათამიშვილი: უპასუხისმგებლო ოპოზიცია ისევ განაგრძობს ვირუსის მხარეს ყოფნას
1606224008
„უპასუხისმგებლო ოპოზიცია მუდმივად ცდილობს კოვიდ 19-ის პოლიტიკაში შემოტანას, რასაც თან ერთვის ექიმების უსაფუძვლო კრიტიკა და დამუნათება“,- ამის შესახებ საპარლამენტო ფრაქცია „ქართული ოცნების“ თავმჯდომარე რატი იონათამიშვილმა განაცხადა.
მისი თქმით, ფაქტია, რომ ეს ადამიანები მზად არიან საკუთარ პოლიტიკურ ამბიციებს გადააყოლონ ქვეყანა, რასაც არასდროს დაუშვებს ჩვენი ხალხი და ხელისუფლება.
„მათი უპასუხისმგებლო მიდგომები, ბოლო პერიოდშიც, კარგად გამოჩნდა - ჯერ, აქციების პარალელურად ამბობდნენ, რომ კორონა ვირუსი „გრიპზე მსუბუქი გაციება” იყო, ხოლო, როცა აქციებით კოვიდის გავრცელების გარდა ვერაფერს შეუწყეს ხელი, ისევ მთავრობის უარგუმენტო კრიტიკა დაიწყეს. ფაქტია, რომ როცა კორონა ვირუსთან ბრძოლაში სხვა ქვეყნებში სრულიად განსხვავებული პლატფორმის პარტიები ერთიანდებიან, აქ ოპოზიცია ისევ განაგრძობს ვირუსის მხარეს ყოფნას. ეს ადამიანები მზად არიან საკუთარ პოლიტიკურ ამბიციებს გადააყოლონ ქვეყანა, რასაც არასდროს დაუშვებს ჩვენი ხალხი და ხელისუფლება”,- განაცხადა რატი იონათამიშვილმა.
