ვლადიმერ ბოჟაძე: როგორც ჩანს „გაქცეული პრეზიდენტის" წამოცდენა დავითგარეჯის და 70-80 მილიონის თემაზე, მალე აღიარების სერიის გაგრძელებაში გადაიზრდება
1601483266
როგორც ჩანს „გაქცეული პრეზიდენტის" წამოცდენა დავითგარეჯის და 70-80 მილიონის თემაზე, მალე აღიარების სერიის გაგრძელებაში გადაიზრდება,-ამის შესახებ სამოქალაქო საზოგადოებისა და დემოკრატიის განვითარების ცენტრის ხელმძღვანელი ვლადიმერ ბოჟაძე აცხადებს.
მისი თქმით, ამის ნიშნები აშკარად ჩანს „თავისუფალი" და პარტიული ტელევიზიების ფლაგმანის „მთავარი არხის" სიუჟეტებში, ნიკა გვარამიას და ყოფილი ჩინოსნების განცხადებებში.
„აზერბაიჯანის ტერიტორიული მთლიანობის შესახებ მიხეილ სააკაშვილის ძალიან სახიფათო და ამავდროულად ძალიან სამარცხვინო განცხადება, როგორც ჩანს, კვალის დაფარვას და აზერბაიჯანისთვის კოჭის გაგორებას ემსახურებოდა. რა თქმა უნდა, აუცილებელია დაველოდოთ გამოძიების შედეგებს, მაგრამ როგორ იტყვიან, „გაქცეული პრეზიდენტისგან" არაფერია გასაკვირი და ყველაფერი მოსალოდნელია”,- აღნიშნავს ვლადიმერ ბოჟაძე.
