ახალი ველოტრასები და საფეხმავლო ქუჩები - რას გეგმავს თბილისის მერია 2021 წელს?
1607001980
თბილისის 2021 წლის ბიუჯეტის პროექტით, სატრანსპორტო ინფრასტრუქტურის მშენებლობა - აღდგენის მიზნით 72 მილიონი ლარია გამოყოფილი.
საგზაო ინფრასტრუქტურის მშენებლობა, აღდგენა და მოვლა-შენახვა - 62 მილიონი ლარი.
ტრანსპორტის განვითარება - 10 მილიონი ლარი.
რა იგეგმება?
სატრანსპორტო ინფრასტრუქტურის მშენებლობა-აღდგენა.
როგორც განმარტებით ბარათშია აღნიშნული:
🈳 გაუმჯობესდება მეტროპოლიტენის, ავტობუსებისა და მიკროავტობუსების მომსახურების ხარისხი.
🈳მოწესრიგდება პარკირების სისტემა.
🈳მოეწყობა ახალი საფეხმავლო ქუჩები და ველოტრასები.
🈳 უზრუნველყოფილი იქნება ავტობაზების მოდერნიზება და თანამედროვე ტექნოლოგიებითა და ინფრასტრუქტურით აღჭურვა.
🈳გაუმჯობესდება საგზაო ინფრასტრუქტურა და სატრანსპორტო ნაკადების მართვის სისტემა.
🈳 მუნიციპალური ავტოპარკი ეტაპობრივად სრულად ჩანაცვლდება ელექტრო ტრანსპორტითა და ჰიბრიდული ტრანსპორტით.
🈳 უზრუნველყოფილი იქნება სატრანსპორტო და საგზაო ინფრასტრუქტურის ადაპტირება შეზღუდული შესაძლებლობების მქონე პირთა და საბავშვო ეტლით მოსარგებლეთა მოთხოვნებთან/პირობებთან.
საგზაო ინფრასტრუქტურის მშენებლობა, აღდგენა და მოვლა-შეკეთება
„საავტომობილო გზებზე მგზავრთა შეუფერხებელი და უსაფრთხო გადაადგილების უზრუნველსაყოფად და გზების ტექნიკური მდგომარეობის გაუმჯობესების მიზნით, გაგრძელდება მუშაობა ცენტრალური და შიდა კვარტალური გზების მშენებლობა/რეაბილიტაციისთვის, მოხდება ახალი გზების მშენებლობა და არსებული საგზაო ინფრასტრუქტურის განვითარება, სატრანსპორტო კვანძების რეაბილიტაცია, გზების ადაპტირება შეზღუდული შესაძლებლობების მქონე პირთა და საბავშვო ეტლით მოსარგებლეთა მოთხოვნებთან/პირობებთან. ჩატარებული სამუშაოების შედეგად მოდერნიზირებული და რეაბილიტირებული იქნება ცენტრალური და შიდაკვარტალური მნიშვნელობის საავტომობილო გზები, შემცირდება საცობების რაოდენობა, რაც დადებითად იმოქმედებს სატრანსპორტო ნაკადების მაჩვენებლებზე“,- აღნიშნულია განმარტებით ბარათში.
ტრანსპორტის განვითარება
განმარტებით ბარათში წერია, რომ:
🈳 სატრანსპორტო ინფრასტრუქტურის განვითარების მიზნით, განხორციელდება დედაქალაქის ქუჩებსა და მაგისტრალებზე საგზაო ნიშნების, შუქნიშნების, ბოძკინტების, ზღუდარების, ბარიერების მოვლა-შენახვა და ექსპლუატაცია.
🈳შუქნიშნის ახალი ობიექტების დაყენება, გზაჯვარედინებზე განთავსებული საგზაო მოძრაობის ორგანიზაციის ტექნიკური საშუალებების რეკონსტრუქცია და მიერთება მართვის ავტომატიზებულ სისტემაზე, შუქნიშნის მართვის ცენტრის ექსპლუატაცია.
🈳დედაქალაქის ავტოტრანსპორტის გაზრდილი ნაკადების გამტარუნარიანობის უზრუნველყოფისათვის შუქნიშნების მუშაობის რეჟიმის რეგულირება, გზაჯვარედინების რეკონსტრუქცია და გადასასვლელების მოწყობა.
🈳დედაქალაქის ქუჩებსა და მაგისტრალებზე მოძრავი სატრანსპორტო საშუალებების მოძრაობის მიმართულების წინასწარი მაჩვენებლის დამონტაჟება.
🈳ტრანსპორტის განვითარების გეგმის შემუშავებასთან დაკავშირებით საკონსულტაციო მომსახურება.
🈳სატრანსპორტო საშუალებების პარკირების სპეციალური საშვის დამზადება და სხვა ღონისძიებები.
2021 წლის ბიუჯეტის პროექტის მთლიანი მოცულობა განისაზღვრა 840 302,5 ათასი ლარით, რაც 2020 წლის თავდაპირველად დამტკიცებულ ბიუჯეტთან მიმართებაში, რომელიც შეადგენდა 1 021 400,6 ათას ლარს, შემცირებულია 181 098,1 ათასი ლარით.
აგრეთვე წაიკითხეთ:
