ბაჩალიაშვილის სოციალურ ქსელებში წაშლილ და FBI-ს მიერ აღდგენილ მიმოწერებს ოჯახი სავარუდოდ, ორშაბათს გაეცნობა
1597483044
გაურკვეველ ვითარებაში გარდაცვლილი 23 წლის პროგრამისტის თამარ ბაჩალიაშვილის Facebook-ში, Whatsapp-სა და Viber-ში წაშლილ და ამერიკის ფედერალური საგამოძიებო ბიუროს მიერ აღდგენილ მიმოწერებს ოჯახი, სავარაუდოდ 17 აგვისტოს გაეცნობა.
ბაჩალიაშვილის მამის ჯუმბერ ბაჩალიაშვილის თქმით, საქმის მასალებთან დაკავშირებით გენერალურ პროკურორთან შეხვედრა პერიოდულად შედგება. ბაჩალიაშვილი ამბობს, რომ ირაკლი შოთაძეს ენდობა.
„ინფორმაცია ნაწილობრივ აღდგენილია და ეს ადვოკატმა რამიშვილმა იცის. სავარუდოდ მნიშვნელოვანი ინფორმაცია უნდა იყოს. საქმე ერთი ნაბიჯით წინ წაიწია. ვენდობით შოთაძეს, მომხდარი გულთან მიიტანა. ვნახოთ შემდგომში რა იქნება“, - აღნიშნა ბაჩალიაშვილმა.
ცნობისთვის, თამარ ბაჩალიაშვილი თეთრიწყაროში, საკუთარ ავტომობილში გარდაცვლილი 22 ივლისს იპოვეს. მომხდარზე გამოძიება სსკ-ის 115-ე, თვითმკვლელობამდე მიყვანისა და 143-ე თავისუფლების უკანონო აღკვეთის მუხლებით მიმდინარეობს.
