დიდუბესა და დიღმის მასივში მოსასვენებელი სივრცეები ეწყობა
1601117861
დიდუბის რაიონის გამგეობა სხვადასხვა ინფრასტრუქტურულ პროექტთან ერთად, მოსასვენებელი სივრცეების მოწყობას განაგრძობს. ინფორმაციას თბილისის მერიის პრესსამსახურის წარმომადგენელი ავრცელებს.
არსებული ინფორმაციის მიხედვით, წერეთლის გამზირის N60-სა და დიღმის მასივის მესამე კვარტლის მესამე კორპუსთან 1600 კვ.მ ფართობზე მოსასვენებელი სივრცეების მშენებლობა მიმდინარეობს.
„სკვერებში უკვე მოეწყო დეკორატიული ფილები, განათების სისტემა, საჩრდილობელი, საბავშვო ატრაქციონები. მიმდინარეობს ხე-მცენარეების დარგვის პროცესი სკვერებში განთავსდება საპარკე ფურნიტურა“, - აღნიშნულია გავრცელებულ ინფორმაციაში.
პროექტებს დიდუბის რაიონის გამგებელი ირმა ზავრადაშვილი საკრებულოს მაჟორიტარ დეპუტატებთან თარაშ შურღაიასთან და ვლადიმერ ძნელაძესთან ერთად გაეცნო და ადგილობრივ მოსახლეობას შეხვდა.
აღნიშნული სივრცეების მოსაწყობად ადგილობრივი ბიუჯეტიდან 237 409 ლარია გამოყოფილი.
