მთავრობის გადაწყვეტილებით, საქართველოს მოქალაქეების დასაბრუნებლად ევროპიდან ჩარტერული რეისები დაინიშნა. ამის შესახებ პრემიერ-მინისტრის მრჩეველმა ირაკლი ჩიქოვანმა საკოორდინაციო საბჭოს სხდომის შემდეგ გამართულ ბრიფინგზე განაცხადა.
რესიებს, ივლისში, ავიაკომპანიები - Wizz air-ი და Myway Airlines-ი შეასრულებენ.
რეისები შესრულდება შემდეგი განრიგით:
13 ივლისი - ვარშავა
15 ივლისი - ბარსელონა
17 ივლისი - რომი
22 ივლისი - პარიზი
28 ივლისი - ათენი
როგორც ირაკლი ჩიქოვანმა აღნიშნა, ჩარტერულ რეისებზე ბილეთის ფასი 200 ევროზე მეტი არ იქნება.
საქართველოში დაბრუნებული მოქალაქეებისთვის კვლავ სავალდებულოა 14-დღიანი საკარანტინო პერიოდის გავლა.