ჯანდაცვის სამინისტრო ექიმის მხრიდან შესაძლო სექსუალური შევიწროების ფაქტზე განცხადებას ავრცელებს
1586432700
ჯანდაცვის სამინისტრო ექიმის მხრიდან, საკარანტინო ზონაში ქალის მიმართ შესაძლო სექსუალური შევიწროების ფაქტის შესახებ განცხადებას ავრცელებს.
"გვსურს, გამოვეხმაუროთ რამდენიმე მედია საშუალების მიერ გავრცელებულ ინფორმაციას, რომელიც საკარანტინე სივრცეში სექსუალურ შევიწროებაში ბრალდებულ პირს უკავშირდება. ხაზგასმით აღვნიშნავთ, რომ სექსუალურ შევიწროებაში ბრალდებული პირი არ არის ჯანდაცვის სამინისტროს ან/და საგანგებო სიტუაციების კოორდინაციისა და გადაუდებელი დახმარების ცენტრის თანამშრომელი. სამინისტრო, შესაბამის ორგანოებთან ერთად, მოახდენს აღნიშნული საკითხის მუდმივ მონიტორინგს და გამოძიების შედეგის შესაბამისად, შემდგომ რეაგირებას",- ნათქვამია უწყების განცხადებაში.
ცნობისთვის, არასამთავრობო ორგანიზაცია "საფარის" განცხადებით, საკარანტინო ზონაში ექიმის მხრიდან ერთ-ერთი ქალბატონის მიმართ სექსუალურ შევიწროებას ჰქონდა ადგილი.
