ხელვაჩაურში მეწყერის ჩამოწოლის შემდეგ ხუთ ადამიანს ეძებენ
1601588184
აჭარაში უხვი ნალექის შედეგად მეწყერი ჩამოწვა. ხელვაჩაურის რაიონში სტიქიამ ერთი საცხოვრებელი სახლი წაიღო, რომელშიც მაცხოვრებლები იმყოფებოდნენ.
აჭარის მედიაში გავრცელებული ინფორმაციით სახლში: დედა, მამა და შვილი იმყოფებოდა.
ამავდროულად მეწყერმა მოიყოლა მსუბუქი ავტომობილი, რომელშიც არსებული ინფორმაციით ორი ადამიანი ისხდა.
სახანძრო-სამაშველო ჯგუფები მთელი აჭარის მასშტაბით მოსახლეობას სხვადასხვა სახის დახმარებას უწევენ. სამუშაოებში აჭარის 17 სახანძრო-სამაშველო ჯგუფი, 60-კაციანი შემადგენლობით არის ჩართული,
აჭარაში დამატებით მიემართება: იმერეთიდან - სპეციალური საშუალებებით აღჭურვილი 5 სახანძრო-სამაშველო ჯგუფი 18-კაციანი შემადგენლობით, სამეგრელოს 4 სახანძრო-სამაშველო ჯგუფი 19-კაციანი შემადგენლობით და თბილისის 3 სახანძრო-სამაშველო ჯგუფი 20-კაციანი შემადგენლობით“, - ნათქვამია საგანგებო სიტუაციების მართვის სამსახურის განცხადებაში.
შინაგან საქმეთა სამინისტროს ცნობით, ამ დროისთვის მოქალაქეების ყველა შეტყობინებაზე სამსახურს შესაბამისი სამუშაოების ჩატარებული აქვს.
