საზოგადოება

მიხეილ ჩხენკელი: სამეცნიერო იდეების გაცვლას მსოფლიოს წინაშე არსებული გამოწვევების დასაძლევად გადამწყვეტი მნიშვნელობა ენიჭება

მიხეილ ჩხენკელი მინისტრი
11:10 31.03
დაკოპირებულია

საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა UNESCO-ს მიერ ორგანიზებულ ონლაინ მინისტერიალში "COVID-19 და ღია მეცნიერება" მიიღო მონაწილეობა.

განათლების სამინისტროს ინფორმაციით, კონფერენციის მთავარ მიზანს მსოფლიოში პანდემიად გამოცხადებული ახალი კორონავირუსის გავრცელების თავიდან აცილების ეფექტიან გზებზე მსჯელობა და ამ მიმართულებით სხვადასხვა ქვეყნების გამოცდილების გაზიარება წარმოადგენდა.  

მინისტერიალი UNESCO-ს გენერალურმა დირექტორმა ოდრი აზულაიმ გახსნა და კორონავირუსის პანდემიის მართვის პროცესში მეცნიერების როლზე ისაუბრა. პრეზენტაციის დასრულების შემდეგ მინისტრებმა ერთმანეთს ახალ კორონავირუსთან ბრძოლის საკუთარი ქვეყნების გამოცდილება გაუზიარეს. 

"მადლობას მოგახსენებთ ისტორიაში პირველი ვირტუალური მინისტერიალის ორგანიზებისათვის, რომელიც უაღრესად სასარგებლო იქნება თითოეული მონაწილე ქვეყნისა და, ზოგადად, მეცნიერებისათვის. მეცნიერებას არ აქვს საზღვრები და სამეცნიერო იდეების გაცვლას მსოფლიოს წინაშე არსებული გამოწვევების დასაძლევად გადამწყვეტი მნიშვნელობა ენიჭება", - განაცხადა მიხეილ ჩხენკელმა.

მიხეილ ჩხენკელმა მინისტერიალის მონაწილეებს საქართველოს განათლების სისტემის წინაშე არსებული გამოწვევები და მათი გადაჭრის გზები გააცნო. მინისტრმა აღნიშნა, რომ საკლასო ოთახს მიღმა დარჩენილი მოსწავლეებისა და სტუდენტებისათვის განათლების მიღების უწყვეტი პროცესის უზრუნველსაყოფად სისტემა დისტანციური სწავლების რეჟიმზე გადავიდა. მან საზოგადოებრივ მაუწყებელთან თანამშრომლობით დაწყებულ ახალ პროექტზეც „ტელესკოლა“ ისაუბრა, რომელსაც უკვე მოჰყვა საზოგადოებაში ძალიან პოზიტიური გამოხმაურება. სხვადასხვა საგანში ტელეგაკვეთილებს გამოცდილი პედაგოგები ატარებენ და მათი მოსმენა, ყველა მოსწავლეს შეუძლია, განურჩევლად იმისა, აქვს თუ არა წვდომა ინტერნეტთან.

მიხელ ჩხენკელმა UNESCO-ს შესთავაზა განათლების მინისტრების ონლაინ კონფერენციის ორგანიზება, რათა ქვეყნებმა ამ მიმართულებითაც შეძლონ საკუთარი გამოცდილების გაზიარება. 

სამეცნიერო კოალიცია შეთანხმდა, რომ მსოფლიოში არსებული უდიდესი გამოწვევის – ახალი კორონავირუსის პანდემიის დასაძლევად საერთაშორისო ინოვაციური და სამეცნიერო წრეების თანამშრომლობას გადამწყვეტი მნიშვნელობა აქვს. ონლაინ მინისტერიალში, რომელიც Microsoft Teams პროგრამით წარიმართა, მონაწილეობა 100-ზე მეტი ქვეყნის წარმომადგენელმა, მათ შორის, მეცნიერების 90-ზე მეტმა მინისტრმა და მსოფლიოში ცნობილმა ნობელიანტმა მეცნიერებმა მიიღეს.

კოსმოსური ხომალდი

NASA-სა და SPACEX-ის ასტრონავტების კოსმო...

აშშ–ის ბოლო 9 წელიწადში პირველი პილოტირებული კოსმოსური გაფრენა უამინდობის გამო გ...
იტალიაში ბოლო დღე ღამის განმავლობაში კორონავირუსით გარდაცვალების 117 შემთხვევა დაფიქსირდა, ქვეყანაში...
22:16 27.05
"ეს ადამიანები სეზონურად მუშაობენ. ხოლო როდესაც ჩვენ ვსაუბრობთ 1 200-ლარიან დახმარებაზე, დებულებაში...
21:59 27.05
ექსპერტი ლევან ნიკოლეიშვილი პრემიერ-მინისტრის, გიორგი გახარიას მიერ პარლამენტში წარდგენილ ანგარიშს ს...
21:47 27.05
ზუგდიდის მერიის უსახლკარო და მძიმე საცხოვრებელი პირობების მქონე პირთა საცხოვრებელი ფართით უზრუნველყო...
21:21 27.05
ჩატის ფუნქცია საქართველოს ბანკმა მომხმარებლისათვის „ჩატის“...
საქართველოს ბანკმა მომხმარებლისათვის კიდევ უფრო მეტი კომფორტის შექმნის მიზნით ციფრულ არხებში ჩატის ფ...
პრემიერი: რელიგია არის ბეწვის ხიდი, რაზე...
„რელიგია არის ის ბეწვის ხიდი, წითელი ხაზი, რაზეც ვთვლი, რომ ხელისუფლებამ კი არა,...
პრემიერი სერგო რატიანს: სახელმწიფო ხომ ა...
"ბატონო სერგო სახელმწიფო ხომ არ გავაუქმოთ საერთოდ ? ეს ზუსტად ის, არის რაც თქვენ...
ყვარლის მუნიციპალიტეტის მერმა და კომპანი...
ყვარლის მუნიციპალიტეტის მერმა და კომპანია „ემ ბი ჯის“ ხელმძღვანელმა გრემის თემის...