პორტუგალიის პარლამენტში მოქმედი გლობალური საპარლამენტო კავშირი UNITE მარიამ ჯაშის ვიდეომიმართვას "დარჩი სახლში" ავრცელებს
1585584621
"გლობალური ჯანდაცვის უპრეცედენტო მასშტაბის კრიზისის წინაშე ვდგავართ, მაგრამ იმედი არ უნდა დავკარგოთ, რადგან გამოსავალი აუცილებლად მოიძებნება", - ამის შესახებ პარლამენტის დამოუკიდებელმა დეპუტატმა, ინფექციურ დაავადებებთან ბრძოლის გლობალური საპარლამენტო კავშირის UNITE აღმოსავლეთ ევროპისა და ცენტრალური აზიის რეგიონის თავმჯდომარემ მარიამ ჯაშმა განაცხადა.
ჯაშმა მოსახლეობას კიდევ ერთხელ მიმართა და მოუწოდა, რომ სახლებში დარჩნენ.
"დღეს ჩვენ გლობალური ჯანდაცვის უპრეცედენტო მასშტაბის კრიზისის წინაშე ვდგავართ, მაგრამ იმედი არ უნდა დავკარგოთ, რადგან გამოსავალი აუცილებლად მოიძებნება. ჩემს კოლეგებს - მედიკოსებს, საზოგადოებრივი ჯანდაცვის ექსპერტებს და პოლიტიკოსებს - სჭირდებათ დრო ახალი ვაქცინის შესაქმნელად. მათ სჭირდებათ დრო კორონავირუსის წინააღმდეგ უფრო უკეთესი და ეფექტური სამკურნალო პრეპარატების მოსაძიებლად. ყველაზე მნიშვნელოვანი, რაც დღეს შეგვიძლია ყველამ გავაკეთოთ - სწორედ დროის მოგებაა მსოფლიოს წამყვან მეცნიერთათვის. ამიტომ, გთხოვთ, დარჩეთ სახლში და მოიგოთ დრო კორონავირუსის წინააღმდეგ ბრძოლაში. სახლში დარჩენით არამარტო საკუთარ თავს, ოჯახს და ქვეყანას იცავთ, არამედ, გადაჭარბების გარეშე, მსოფლიოს მოსახლეობასაც. დროა გავერთიანდეთ კორონავირუსის წინააღმდეგ. დროა, დავრჩეთ სახლში", - განაცხადა ჯაშმა.
