ბელარუსის ცესკო-მ ლუკაშენკო გამარჯვებულად გამოაცხადა
1597407528
ბელორუსის ცესკო-მ საპრეზიდენტო არჩევნების საბოლოო შედეგები გაასაჯაროვა, რომლის მიხედვითაც გამარჯვებულად მოქმედი პრეზიდენტი ალექსანდრე ლუკაშენკო გამოცხადდა.
არჩევნების შედეგები ბელარუსის ცესკო-ს ვებგვერდზე გამოქვეყნდა.
ცენტალური საარჩევნო კომისიის თანახმად, ლუკაშენკომ ხმების 80,1%, ხოლო მისმა მთავარმა მოწინააღმდეგემ, ტიხანოვსკაიამ 10,12% მიიღო.
სხვა კანდიდატების ხმები შემდეგნაირად გადანაწილდა: ანდრეი დიმიტრიევი - 1.21%, ანა კანოპაცკაია - 1.68%, სერგეი ჩერეჩნია - 1.14%, ყველას წინააღმდეგ - 4.59%.
ბელარუსში, 9 აგვისტოს საპრეზიდენტო არჩევნების შედეგებს მოქალაქეები მე-6 დღეა აპროტესტებენ. სამართალდამცველებმა მომიტინგეების წინააღმდეგ ძალა რამდენჯერმე გამოიყენეს. შეტაკებების შედეგად დაღუპულია ორი ადამიანი.
აქციებზე დაკავებული 5000-ზე მეტი მოქალაქიდან 1000-მდე უკვე თავისუფალია.
