ბრიტანეთში კორონავირუსის გაზრდილი მაჩვენებლის გამო, რესტორნები და ბარები საღამოს 10 საათზე დაიკეტება, - ამის შესახებ ინფორმაციას „ბი-ბი-სი“ ავრცელებს.
გამოცემის ცნობით, მინისტრთა კაბინეტი ხალხს და კომპანიებს მოუწოდებს იმუშაონ სახლიდან, აგრეთვე, პრემიერ-მინისტრი ბორის ჯონსონი დღეს პარლამენტს კორონავირუსთან დაკავშირებულ ახალ ზომებს წარუდგენს.
ჯონსონი სამშაბათს, 20:00 საათზე პირდაპირ ეთერში სიტყვით მიმართავს მოსახლეობას.
ინფორმაციისთვის, დიდ ბრიტანეთში კორონავირუსთან დაკავშირებული განგაშის დონე 3-დან 4-მდე გაიზარდა, რაც ვირუსის გავრცელების მაღალ მაჩვენებელს ნიშნავს.